ୱାସିଂଟନ: ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ଟ୍ବିଟରକୁ ସମ୍ପୂର୍ଣ୍ଣ କିଣିବାକୁ ଚାହୁଁଛନ୍ତି ଟେଲସା ସିଇଓ ଏଲନ ମସ୍କ । ଟ୍ବିଟର ଶେୟାର ପିଛା ୫୪.୨୦ ଡଲାର ହିସାବରେ ମୋଟ ୪୩ ବିଲିୟନ ଡଲାର ଦେଇ ସେ ଏହି ପ୍ଲାଟଫର୍ମର ଶତପ୍ରତିଶତ ମାଲିକ ହେବାକୁ ମନ ବଳାଇଛନ୍ତି । ଏହି ପ୍ରସ୍ତାବକୁ ନେଇ ଚାରିଆଡେ ଚର୍ଚ୍ଚା ହେଉଥିବା ବେଳେ ଇ-କମର୍ସ କମ୍ପାନୀ ସ୍ନାପଡିଲର ସିଇଓ(Snapdeal CEO) କୁନାଲ ବାହଲ(Kunal Bahl) ଏଲନ ମସ୍କଙ୍କ ଏପରି ଅଭିଳାଶକୁ ପରିହାସ କରିଛନ୍ତି ।
ଶ୍ରୀଲଙ୍କାକୁ କିଣି ଏହାର ନାମ ସିଲନ ମସ୍କ ରଖନ୍ତୁ, ଏଲନ ମସ୍କଙ୍କୁ କହିଲେ Snapdeal CEO - ସିଲନ ମସ୍କ
ଟେଲସା ସିଇଓ ଏଲନ ମସ୍କଙ୍କୁ ସ୍ନାପଡିଲ ସିଇଓ କୁନାଲ ବାହଲଙ୍କ ପରିହାସ । ଟ୍ବିଟର ଛାଡି ଶ୍ରୀଲଙ୍କାକୁ କିଣନ୍ତୁ ଏବଂ ଏହାର ନାମ ସିଲନ ମସ୍କ ରଖନ୍ତୁ କହିଲେ କୁନାଲ । ଅଧିକ ପଢନ୍ତୁ
ଶ୍ରୀଲଙ୍କାକୁ କିଣି ଏହାର ନାମ ସିଲନ ମସ୍କ ରଖନ୍ତୁ, ଏଲନ ମସ୍କଙ୍କୁ କହିଲେ Snapdeal ସିିଇଓ
ସିଇଓ କୁନାଲ ଏଲନ ମସ୍କକୁ ପରାମର୍ଶ ଦେଇଛନ୍ତି ଯେ, ଟ୍ବିଟରକୁ କିଣିବା ପରିବର୍ତ୍ତେ ସେ ଆର୍ଥିକ ସଙ୍କଟ ମଧ୍ୟରେ ଜର୍ଜରିତ ଶ୍ରୀଲଙ୍କାକୁ କିଣି ନିଅନ୍ତୁ । ଏଲନ ମସ୍କ ଟ୍ବିଟର ପାଇଁ ୪୩ ବିଲିୟନ ଡଲାର ଅଫର କରିଛନ୍ତି । ଶ୍ରୀଲଙ୍କା ୪୫ ବିଲିୟନ ଡଲାର ଋଣ ମଧ୍ୟରେ ବୁଡି ରହିଛି । ତେଣୁ ଶ୍ରୀଲଙ୍କାକୁ କିଣି ଏହାକୁ ସେ ସିଲନ ମସ୍କ ଡାକିପାରିବେ(Buy Sri Lanka and name it Ceylon Musk) ବୋଲି ଟ୍ବିଟ୍ କରିଛନ୍ତି କୁନାଲ । ଶେଷରେ ଏକ ହସ(Smile) ଇମୋଜୀ ମଧ୍ୟ ଦେଇଛନ୍ତି ।
କହିରଖୁଛୁ କି, ଶ୍ରୀଲଙ୍କା ବର୍ତ୍ତମାନ ଉତ୍କଟ ଆର୍ଥିକ ସଙ୍କଟ ମଧ୍ୟ ଦେଇ ଗତି କରୁଛି । ଦେଶରେ ଖାଦ୍ୟ ଓ ପାନୀୟ ଘୋର ଅଭାବ ସୃଷ୍ଟି ହୋଇଛି । ବିଦେଶୀ ମୁଦ୍ରା ଭଣ୍ଡାର ଖାଲି ପଡିଥିବା ଯୋଗୁଁ ଅତ୍ୟାବଶୀୟ ସାମଗ୍ରୀ ଆମଦାନୀ କରୁପାରୁନି ଶ୍ରୀଲଙ୍କା । ଫଳରେ ଏଠାରେ ଚାଉଳ କେଜି ୫୦୦ ଟଙ୍କା ରହିଛି ।