ଆଜିଠୁ ସ୍ବାଭାବିକ ହେବ ୟେସ ବ୍ୟାଙ୍କ, ସଙ୍କଟ ମୋଚନ ଏକାଧିକ ବ୍ୟାଙ୍କ୍

ଆଜି ସନ୍ଧ୍ୟା 6ଟାରୁ ୟେସ ବ୍ୟାଙ୍କ ସ୍ବଭାବିକ। ଆସନ୍ତାକାଲିଠୁ 50 ହଜାର ଟଙ୍କାରୁ ଅଧିକ ଉଠାଣ। ଏକାଧିକ ବ୍ୟାଙ୍କ ସାଜିଛନ୍ତି ସଙ୍କଟ ମୋଚନ। ଅଧିକ ଖବର ପଢନ୍ତୁ...

ନୂଆଦିଲ୍ଲୀ: ଗତ କିଛିଦିନ ହେବ ହରଡଘଣାରେ ଘରୋଇ ୟେସ ବ୍ୟାଙ୍କ୍ । ଏଥିରେ ଟଙ୍କା ଜମା କରିଥିବା ଲୋକଙ୍କ ଚିନ୍ତା ମଧ୍ୟ ଡବଲ । ତେବେ ଆଜି ସନ୍ଧ୍ୟା 6ଟାରୁ ସମସ୍ତ ପ୍ରତିବନ୍ଧକ ହଟାଯିବା ପରେ ଲୋକଙ୍କୁ ସାମାନ୍ୟ ଆଶ୍ବସ୍ତି ମିଳିଛି ।

ବ୍ୟାଙ୍କର ସମସ୍ତ ଏଟିଏମରେ ଟଙ୍କା ଗଚ୍ଛିତ ଥିବା ବେଳେ ସବୁ ଶାଖାର ଆବଶ୍ୟକତା ପୂରଣ ପାଇଁ ପର୍ଯ୍ୟାପ୍ତ ପରିମାଣର ଟଙ୍କା ଯୋଗାଣ କରାଯାଇପାରିବ ବୋଲି ବ୍ୟାଙ୍କ ପରିଚାଳକ ପ୍ରଶାନ୍ତ କୁମାର କହିଛନ୍ତି । ମାର୍ଚ୍ଚ 5ରୁ ରିଜର୍ଭ ବ୍ୟାଙ୍କ 50 ହଜାର ଟଙ୍କା ଉଠାଣ ଉପରେ କଟକଣା ଲଗାଇଥିଲେ । ଯାହାକୁ ଆଜି ସନ୍ଧ୍ୟା 6 ସୁଦ୍ଧା ହଟାଇ ଦିଆଯିବ । ଯାହାଫଳରେ ଗ୍ରାହକ ମାନେ ସମସ୍ତ ବ୍ୟାଙ୍କିକ୍ ସେବାକୁ ସୂଚାରୁ ରୂପେ ଉପଭୋଗ କରିପାରିବାକୁ ସକ୍ଷମ ହେବେ ।

ଗ୍ରାହକମାନେ ଚିନ୍ତା ନକରି ପୂର୍ବପରି କାରବାର ଜାରି ରଖିବାକୁ ପ୍ରଶାନ୍ତ କୁମାର କହିଛନ୍ତି । ସେମାନଙ୍କ ମଧ୍ୟରୁ କେବଳ 1/3 ଗ୍ରାହକ ପ୍ରତିରୋଧ ସମୟରେ 50,000 ଟଙ୍କା ପ୍ରତ୍ୟାହାର କରିଛନ୍ତି । ଗ୍ରାହକଙ୍କ ମତାମତ ହେଉଛି ଯେ ସେମାନେ ବ୍ୟାଙ୍କରୁ ଟଙ୍କା ଉଠାଇବାକୁ ବର୍ତ୍ତମାନ ଆବଶ୍ୟକତା ଅନୁଭବ କରୁନାହାଁନ୍ତି । ଏସବିଆଇର ଅଧ୍ୟକ୍ଷ ରଜନୀଶ କୁମାର କହିଛନ୍ତି ଯେ ତିନି ବର୍ଷର ଲକ୍-ଇନ୍ ଅବଧି ପୂର୍ବରୁ ୟେସ ବ୍ୟାଙ୍କର ଗୋଟିଏ ବି ବ୍ୟାଙ୍କ୍ ତାର ସେୟାର ବିକ୍ରି କରିପାରିବ ନାହିଁ |