ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀର ହୋଲସେଲ ମାର୍କେଟରେ ଲଗାତାର ହ୍ରାସ ପାଉଛି ପରିବା ଦର । ପିଆଜ ଓ ଟମାଟୋ ସମେତ ସମସ୍ତ ପରିବା ଦାମ 60 ପ୍ରତିଶତ ହ୍ରାସ ପାଇଛି । ଆଉ ଏହାର କାରଣ ହେଉଛି ଅଧିକ ଉତ୍ପାଦନ, ଚାହିଦା ହ୍ରାସ ଓ ବଜାର ପ୍ରଭାବିତ । କୋରୋନା ସଙ୍କଟ ମଧ୍ୟରେ ଏସବୁ ସମସ୍ୟା ଏବେ ଦରଦାମ ସନ୍ତୁଳନ ବିଗାଡିବାରେ ଲାଗିଛି ।
ଫଳ ଏବଂ ପନିପରିବା ପାଇଁ ଏସିଆର ସର୍ବବୃହତ ହୋଲସେଲ ବଜାର ଆଜାଦପୁର ମଣ୍ଡିରେ ଟମାଟୋ କିଲୋଗ୍ରାମ ପିଛା 1 ଟଙ୍କାରୁ ବି କମରେ ବିକ୍ରି ଆରମ୍ଭ ହୋଇଛି । କେବଳ ଟମାଟୋ ନୁହେଁ ଅନ୍ୟ ସବୁଜ ପନିପରିବା ଦର ମଧ୍ୟ ସେହି ଅନୁସାରେ ହ୍ରାସ ପାଇଛି ।