ମୁମ୍ବାଇ: ସପ୍ତାହର ପ୍ରଥମ ଦିନ ସୋମବାର ସେୟାର ବଜାରରେ ଜବରଦସ୍ତ ବୃଦ୍ଧି ଦେଖିବାକୁ ମିଳିଛି । ପ୍ରଥମ ଥର ପାଇଁ ସେନସେକ୍ସ 52,000 ମାର୍କ ପାର କରିଥିବା ବେଳେ ନିଫ୍ଟି 15 ହଜାର 300 ଡେଇଁଛି ।
ଆଜି ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସେନସେକ୍ସ 609.83 ପଏଣ୍ଟ ବୃ୍ଦ୍ଧି ହୋଇ 52,154.13 ପଏଣ୍ଟରେ ରେକର୍ଡ ସର୍ବୋଚ୍ଚରେ ବନ୍ଦ ହୋଇଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 151.40 ପଏଣ୍ଟ ବଢି ପ୍ରଥମ ଥର 15,314.70 ରେ ପହଞ୍ଚିଛି ।
ସୋମବାର ସେନସେକ୍ସ ପ୍ରାୟ 363 ପଏଣ୍ଟର ବମ୍ପର ବୃ୍ଦ୍ଧିରେ 51,907 ପଏଣ୍ଟ ସହ ରେକର୍ଡ ସ୍ତରରେ ଖୋଲିଲା । ଆଉ ଆରମ୍ଭର କେଇ ମିନିଟରେ କାରବାରରେ ସେନସେକ୍ସରେ ସାନଦାର ବୃଦ୍ଧି ସହ 52 ହଜାର ସ୍ତରକୁ ପାର କରି 52052 ପଏଣ୍ଟ ଛୁଇଁଥିଲା । ପୂରା ଦିନର କାରବାରରେ ସେନସେକ୍ସ 52,235.97 ର ସର୍ବୋଚ୍ଚ ସ୍ତର ଓ 51,886.46 ର ନିମ୍ନ ସ୍ତର ଛୁଇଁଲା ।