ମୁମ୍ବାଇ: 2 ଦିନର ଅଭିବୃଦ୍ଧି ପରେ ପୁଣି ସପ୍ତାହର ଶେଷ କାରବାର ଦିନରେ ସେୟାର ବଜାରରେ ହ୍ରାସ ଦେଖାଦେଇଛି । ଶୁକ୍ରବାର ସେନସେକ୍ସ 536 ପଏଣ୍ଟ ଖସିଥିବା ବେଳେ ନିଫ୍ଟି 159 ପଏଣ୍ଚରୁ ଅଧିକ କମ ସହ ବନ୍ଦ ହୋଇଛି ।
ଶୁକ୍ରବାର ବଜାର ଅସ୍ଥିର ସହ ସେୟାର ସୂଚକାଙ୍କ ତଳମୁହାଁ ରହିଛି । ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସେନସେକ୍ସ 535.86 ପଏଣ୍ଟ ଖସି 31,327.22 ପଏଣ୍ଟରେ ବନ୍ଦ ହୋଇଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଚି 159.50 ପଏଣ୍ଟ ହ୍ରାସ ପାଇ 9,154.40 ପଏଣ୍ଟରେ କାରବାର ବନ୍ଦ କରିଛି ।