ମୁମ୍ବାଇ: ହ୍ରାସ-ବୃଦ୍ଧି ମଧ୍ୟରେ ସାମାନ୍ୟ ଦୁର୍ବଳ ହୋଇ ବନ୍ଦ ହୋଇଛି ପୁଞ୍ଜି ବଜାର । ସକରାତ୍ମକ ବୈଶ୍ବିକ ସଙ୍କେତ ପରେ ବି ସ୍ଥାନୀୟ ସେୟାର ବଜାରରେ ପ୍ରମୁଖ ସୂଚକାଙ୍କ ସାମାନ୍ୟ ହ୍ରାସ ହୋଇଛି ।
ଗତ ସପ୍ତାହର ଲଗାତାର ବୃଦ୍ଧି ପରେ ଗତ ଦିନ ଧରି ଲାଭଖୋରଙ୍କ ସେଲଅଫ ଚାପ ବଜାରରେ ରହିଛି । ଏଥିଯୋଗୁଁ ରେଡ ଆଲର୍ଟରେ ବଜାର କାରବାର ବନ୍ଦ କରୁଛି । ବୁଧବାର ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସେୟାର ସୂଚକାଙ୍କ ମୋଟ 666.64 ପଏଣ୍ଟ ଅଧିନେର ହ୍ରାସ-ବୃଦ୍ଧି ପରେ ଶେଷରେ 19.69 ପଏଣ୍ଟ କମି 51,309.39 ପଏଣ୍ଟରେ ବନ୍ଦ ହୋଇଛି । ସେପଟେ ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 2.80 ପଏଣ୍ଟ ଖସି 15,106.50 ପଏଣ୍ଟ ରହିଛି ।