ମୁମ୍ବାଇ: ପୁଣି ଆମେରିକା-ଚୀନ ତୁତୁ ମେ ମେ ଭିତରେ ଖସିଲା ବଜାର । ଟ୍ରେଡୱାର ଅନ୍ତ ହେବାକୁ ଥିଲେ ବି ଚୀନ ସାମଗ୍ରୀରୁ ଆମଦାନୀ ଶୁଳ୍କ ହଟାଇବାକୁ ପ୍ରସ୍ତୁତ ନାହିଁ ଆମେରିକା । ତେବେ ଏହାରି ଭିତରେ ବୁଧବାର ବଜାରରେ ଥଣ୍ଡା ପଡିଯାଇଛି । ଉଭୟ ସେନସେକ୍ସ ଓ ନିଫ୍ଟ ତଳମୁହାଁ ସହ କାରବାର ବନ୍ଦ କରିଛନ୍ତି ।
କାରବାର ଶେଷ ସୁଦ୍ଧା ବମ୍ବେ ଷ୍ଟକ ଏକ୍ସଚେଞ୍ଜର (ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ 79.90 ପଏଣ୍ଟ କମି 41,872.73 ରେ ବନ୍ଦ ହୋଇଛି । ସେହିଭଳି ନ୍ୟାସନାଲ ଷ୍ଟକ ଏକ୍ସଚେଞ୍ଜର (ଏନଏସଇ) 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 19 ପଏଣ୍ଟ ହ୍ରାସ ପାଇ 12,343.30 ରେ କାରବାର ବନ୍ଦ କରିଛି।