ମୁମ୍ବାଇ: ବିଦେଶୀ ମୁଦ୍ରା ବଜାରରେ ଆମେରିକୀୟ ଡଲାରର ଦୁର୍ବଳ ସ୍ଥିତି ମଧ୍ୟରେ ମଜବୁତ ହେଲା ଟଙ୍କା । ମଙ୍ଗଳବାର କାରବାର ଆରମ୍ଭରେ ଡଲାର ତୁଳନାରେ ଟଙ୍କା 6 ପଇସା ବଳବାନ ହୋଇ 74.25ରେ ପହଞ୍ଚିଛି ।
ଅନ୍ତରବ୍ୟାଙ୍କ ବିଦେଶୀ ମୁଦ୍ରା ବଜାରରେ ଡଲାରର ମୁକାବିଲାରେ ଟଙ୍କା 74.28ରେ ଖୋଲିଥିଲା ଏବଂ ବୃଦ୍ଧି ରେକର୍ଡ କରି 74.25ରେ ପହଞ୍ଚିଛି । ଯାହାକି ଗତ କାରବାର ବନ୍ଦ ତୁଳନାରେ 6 ପଇସା ବୃଦ୍ଧିକୁ ଦର୍ଶାଉଛି । ସୋମବାର ଦିନ ଘରୋଇ ମୁଦ୍ରା ଡଲାର ତୁଳନାରେ 74.31ରେ ବନ୍ଦ ହୋଇଥିଲା । ଏହାମଧ୍ୟରେ 6ଟି ପ୍ରମୁଖ ମୁଦ୍ରାଙ୍କ ମୁକାବିଲାରେ ଆମେରିକୀୟ ଡଲାରର ସ୍ଥିତି ଦର୍ଶାଉଥିବା ଡଲାର ସୂଚକାଙ୍କ 0.08 ପ୍ରତିଶତ ହ୍ରାସ ସହ 92.13ରେ ରହିଛି ।