ନୂଆଦିଲ୍ଲୀ: ଗୋଟିଏ ଦିନର ବିରତି ପରେ ପୁଣି ବଢିଲା ଇନ୍ଧନ ଦାମ । ତୈଳ ମାର୍କେଟିଂ କମ୍ପାନୀ (OMC) ମଙ୍ଗଳବାର ପେଟ୍ରୋଲ ଦାମ ଲିଟର ପ୍ରତି 5 ପଇସା ବୃଦ୍ଧି କରିଛି ।
ସେହିପରି ଓଏମସି ପକ୍ଷରୁ ବିମାନ ଇନ୍ଧନ(ଏଟିଏଫ)ର ଦର କିଲୋଲିଟର ପିଛା 1500 ଟଙ୍କା ହ୍ରାସ କରାଯାଇଛି । ଏହା ବ୍ୟତିତ ଅଣ ସବସଡି ଯୁକ୍ତ ରନ୍ଧନ ଗ୍ୟାସ ଏବଂ ଅଟୋ ଗ୍ୟାସ ଦାମ ଗତ ମାସ ଠାରୁ ଅପରିବର୍ତ୍ତିତ ରଖାଯାଇଛି ।
ପେଟ୍ରୋଲ ମୂଲ୍ୟରେ ସାମାନ୍ୟ ବୃଦ୍ଧି ସହିତ ଦିଲ୍ଲୀରେ ପେଟ୍ରୋଲ ଦାମ ଲିଟର ପିଛା ଆଜି 82.08 ଟଙ୍କାକୁ ବୃଦ୍ଧି ପାଇଛି । ସେପଟେ ଜୁଲାଇ 30 ରୁ ଡିଜେଲ ଦାମ ସ୍ଥିର ଅଛି ।
ଦେଶର ରାଜଧାନୀ ଦିଲ୍ଲୀରେ ଏଟିଏଫ ଦାମ କିଲୋଲିଟର ପିଛା ହ୍ରାସ ପରେ 42,447.91 ଟଙ୍କା ରହିଛି । ଏହା ପୂର୍ବରୁ ଅଗଷ୍ଟ ପହିଲାରେ ଏହା ବୃଦ୍ଧି ପାଇ 43,933.53 ଟଙ୍କା ରହିଥିଲା । କୋରୋନା କଟକଣା ମଧ୍ୟରେ ବିମାନ ଶିଳ୍ପ ଗଭୀର ଭାବେ ପ୍ରଭାବିତ ହୋଇଛି । ଏପରି ସ୍ଥିତିରେ ଏଟିଏଫ ଦାମ ହ୍ରାସ କମ୍ପାନୀଙ୍କୁ ରିଲିଫ ଦେବ । ଏଥିସହ ଭଡା ଦାମ ମଧ୍ୟ ମହଙ୍ଗା ହେବ ନାହିଁ ।
ରନ୍ଧନ ଗ୍ୟାସ ପାଇଁ ଏକ ଖୁସି ଖବର ହେଉଛି କି 14.2 କିଲୋଗ୍ରାମର ଅଣ-ସବସିଡିଯୁକ୍ତ ଏଲପିଜି ସିଲିଣ୍ଡରର ମୂଲ୍ୟ 594 ଟଙ୍କା ଅପରିବର୍ତ୍ତିତ ରହିଛି।