ମୁମ୍ବାଇ: ଆରବିଆଇର ଦ୍ବିମାସିକ ମୁଦ୍ରାନୀତି ବୈଠକ ନିଷ୍ପତ୍ତି ଘୋଷଣା ଘରୋଇ ବଜାର ଲାଲେଲାଲ । ନିବେଶକ ମାଲାମାଲ । କାରବାର ସପ୍ତାହର ଶେଷ ଦିନରେ ସେୟାର ସୂଚକାଙ୍କ ସର୍ବୋଚ୍ଚ ସ୍ତରରେ । ସେନସେକ୍ସ ପ୍ରଥମ ଥର ପାଇଁ 45 ହଜାର ରେକର୍ଡ ପାର କରିଛି । ନିଫ୍ଟି ବି 13,250 ପଏଣ୍ଟ ପାର କରିଛି ।
ମୁଦ୍ରାସ୍ପୀତି ବୃଦ୍ଧି ଜାରି ରହିବା ମଧ୍ୟରେ ଆରବିଆଇ ଲଗାତାର ତୃତୀୟଥର ରେପୋରେଟ ଦର ଅପରିବର୍ତ୍ତିତ ରଖିଛି । ଯଦିଓ କେନ୍ଦ୍ରୀୟ ବ୍ୟାଙ୍କ କହିଛି ଯେ, ଅର୍ଥବ୍ୟବସ୍ଥା ମହାମାରୀ ପରେ ଦ୍ରୁତ ଗତିରେ ସୁଧାର ରାସ୍ତାରେ ରହିଛି । ଆଉ ଚଳିତ ତ୍ରୟମାସରେ ବୃଦ୍ଧି ଦେଖାଦେଇଛି ।
ଏଥିମଧ୍ୟରେ ବମ୍ବେ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ସେନସେକ୍ସ 45,148.28 ପଏଣ୍ଟ ସହ ସର୍ବୋଚ୍ଚ ସ୍ତରରେ ପହଞ୍ଚିଥିଲା । ପରେ କାରବାର ଶେଷ ସୁଦ୍ଧା 446.90 ପଏଣ୍ଟ ବଢି 45,079.55ରେ ବନ୍ଦ ହୋଇଛି ।
