ୱାଶିଂଟନ: କୋରୋନା ଝଡରେ ଟଳମଳ ବିଶ୍ବ ଅର୍ଥବ୍ୟବସ୍ଥା । ଏହି ମହାମାରୀ ସଙ୍କଟ ବହୁ ଉଦୀୟମାନ ବଜାର ଓ ବିକାଶଶୀଳ ଅର୍ଥନୀତି ପାଇଁ ଏକ ବଡ ଚ୍ୟାଲଞ୍ଜ । ଏ ନେଇ ଆଗୁଆ ଆନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ମୁଖ୍ୟ କ୍ରିଷ୍ଟଲିନା ଜର୍ଜିଭା ରେଲ ଆଲର୍ଟର ସଙ୍କେତ ଦେଇଛନ୍ତି ।
ଆଇଏମଏଫ କହିଛି ଯେ, କୋରୋନା ଭାଇରସ ମହାମାରୀ ସଂକ୍ରମଣ ପୂର୍ବରୁ ବିଶ୍ବ ଅର୍ଥନୀତି ମନ୍ଥର ଗତିରେ ଥିଲା । କିନ୍ତୁ ବର୍ତ୍ତମାନର ବିପଦ ଅର୍ଥନୀତିର ସ୍ଥିତିକୁ ଶୋଚନୀୟ କରି ରଖିଛି । ଫଳରେ 2020ରେ ଅର୍ଥବ୍ୟବସ୍ଥାରେ ଗମ୍ଭୀର ସଙ୍କୋଚନ ସୁନିଶ୍ଚିତ।
ବିଶ୍ବ ବ୍ୟାଙ୍କ ଓ ଆଇଏମଏଫର ବାର୍ଷିକ ବୈଠକ ସମୟରେ ବିକାଶ ସମିତି ବୈଠକକୁ ସମ୍ବୋଧିତ କରି ଜର୍ଜିଭା କହିଛନ୍ତି ଯେ, ଚଳିତ ବର୍ଷର ପ୍ରଥମାର୍ଦ୍ଧରେ ଏକ ବିରାଟ ଆର୍ଥିକ ହ୍ରାସକୁ ଏଡାଯାଇପାରିବ ନାହିଁ। ସେହିପରି ଆଇଏମଏଫ ପରିଚାଳନା ନିର୍ଦ୍ଦେଶକ କହିଛନ୍ତି କି, କୋଭିଡ -19 ବିଶ୍ୱ ଅର୍ଥବ୍ୟବସ୍ଥାକୁ ଏଭଳି ସମୟରେ ଧକ୍କା ଦେଇଛି ଯେବେ ଏହା ପୂର୍ବରୁ ହିଁ ବାଣିଜ୍ୟ ବିବାଦ, ନୀତିଗତ ଅନିଶ୍ଚିତତା ଏବଂ ଭୌଗୋଳିକ ତିକ୍ତତା ମଧ୍ୟରେ ପେଶିହେଉଥିଲା ।
ଜର୍ଜିଭା କହିଛନ୍ତି, "କୋରୋନା ଭାଇରସ ଭଳି ସଙ୍କଟ ବିଶ୍ୱ ସ୍ତରରେ ପୂର୍ବରୁ କେବେ ଦେଖାଯାଇ ନଥିଲା। ଏହା ଅନେକ ଉଦୀୟମାନ ବଜାର ତଥା ବିକାଶଶୀଳ ଅର୍ଥନୀତି (EMDEs) ରେ ନୀତି ନିର୍ଣ୍ଣୟକାରୀଙ୍କ ପାଇଁ ଏକ ବଡ ଚ୍ୟାଲେଞ୍ଜ।"
