ନ୍ୟୁୟର୍କ: କୋରୋନା ଭାଇରସ ସଙ୍କଟ ଯୋଗୁଁ ବିଶ୍ବର ବଡ ଅର୍ଥବ୍ୟବସ୍ଥା ବିପର୍ଯ୍ୟସ୍ତ । ଆର୍ଥିକ କାର୍ଯ୍ୟକଳାପ ଠପ ଯୋଗୁଁ ବେକାରୀ ହାର ବୃଦ୍ଧି ପାଉଛି । ସ୍ଥିତିକୁ ଅନୁଧ୍ୟାନ କଲେ ଜଣାପଡିଛି କି ଏହି ହାର 1930 ମହାମାନ୍ଦାବସ୍ଥା ଠାରୁ ମଧ୍ୟ ଆହୁରି ଅଧିକ ।
ସଦ୍ୟ ରିପୋର୍ଟ ମୁକାବକ, କୋରୋନା କଟକଣା ଯୋଗୁଁ ପ୍ରତ୍ୟେକ 6 ଆମେରିକୀୟ କର୍ମଚାରୀଙ୍କ ମଧ୍ୟରେ ଜଣଙ୍କୁ ରୋଜଗାର ହରାଇବାକୁ ପଡୁଛି । ଏହାର ମୁକାବିଲା ପାଇଁ ଆମେରିକା ସିନେଟରେ ପ୍ରାୟ 500 ଅରବ ଡଲାରରେ ବ୍ୟୟ ପ୍ୟାକେଜକୁ ପାରିତ କରାଯାଇଛି । ଯାହା ଦ୍ବାରା ସଙ୍କଟଗ୍ରସ୍ଥ କାରବାରୀ ଓ ହସ୍ପିଟାଲକୁ ସହଯୋଗ ମିଳିପାରିବ ।