ନିବେଶର ଗନ୍ତବ୍ୟ ସ୍ଥଳ ଭାରତ, ନିବେଶକଙ୍କୁ ଆକୃଷ୍ଟ କଲେ ମୋଦି

ଭାରତ ସହରୀ ପରିବର୍ତ୍ତନ ରାସ୍ତାରେ ଭଲ କରି ଆଗକୁ ବଢୁଛି । ଏଠାରେ ନିବେଶର ବଡ ଓ ଅଧିକ ସୁଯୋଗ ରହିଛି । ବ୍ଲୁମବର୍ଗର ନ୍ୟୁ ଇକୋନୋମିକ ଫୋରମରେ ଏ ନେଇ ଦର୍ଶାଇ ନିବେଶକଙ୍କୁ ଆକୃଷ୍ଟ କରିଛନ୍ତି ପିଏମ ମୋଦି । ଅଧିକ ପଢନ୍ତୁ..

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସହରୀକରଣ(urbanisation), ଗତିଶୀଳତା (mobility) , ନବସୃଜନ (innovation) ଏବଂ ସ୍ଥାୟୀ ସମାଧାନ (sustainable solutions) ଭଳି କ୍ଷେତ୍ରରେ ପୁଞ୍ଜି ବିନିଯୋଗର ସୁଯୋଗ ଖୋଜୁଥିବା ଲୋକଙ୍କ ପାଇଁ ଭାରତକୁ ସବୁଠାରୁ ଆକର୍ଷଣୀୟ ନିବେଶ ଗନ୍ତବ୍ୟ ସ୍ଥଳ ଭାବେ ଉପସ୍ଥାପିତ କରିଛନ୍ତି ।

ସେ ବ୍ଲୁମବର୍ଗର ନ୍ୟୁ ଇକୋନୋମିକ ଫୋରମରେ କହିଛନ୍ତି କି, ଆସନ୍ତା 2 ଦଶକରେ ଭାରତ ତଥା କିଛି ଆଫ୍ରିକୀୟ ଦେଶରେ ସହରୀକରଣର ସବୁଠୁ ବଡ ଲହରୀ ଦେଖିବାକୁ ମିଳିବ । ସେ ଆହୁରି ମଧ୍ୟ କହିଛନ୍ତି କି, ‘‘ ଆମକୁ କୋରୋନା କାଳ ପରେ ଦୁନିଆ ଲୋକଙ୍କ ହିସାବରେ କରିବାକୁ ହେବ । ଏଥିସହ ସହରକୁ ଲୋକଙ୍କ ବଞ୍ଚିବା ଯୋଗ୍ୟ କରିବା ଜରୁରୀ । ମାନସିକତା, ପ୍ରକ୍ରିୟା ଏବଂ ଅଭ୍ୟାସକୁ ପୁନଃ ଆଡଜଷ୍ଟ ନ କରି କୋରୋନା ଅବଧି ପରେ ପୁନଃ ଆରମ୍ଭ ସମ୍ଭବ ନୁହେଁ ବୋଲି ମୋଦି ଦର୍ଶାଇଛନ୍ତି ।

ମୋଦି କହିଛନ୍ତି କି, ସରକାର 2022 ପୂର୍ବରୁ ଏକ କୋଟି ସୁଲଭ ଘର ନିର୍ମାଣ କରିଦେବେ । 100 ସ୍ମାର୍ଟସହରରେ 2 ଲକ୍ଷ କୋଟି ଟଙ୍କା ପର୍ଯ୍ୟନ୍ତ ନିବେଶ କରାଯାଉଛି । ଏଥିରୁ 1.4 ଲକ୍ଷ କୋଟି ଟଙ୍କାର ଯୋଜନା ପୁରା ହୋଇଥିଲାବେଳେ ବାକି ସମ୍ପୂର୍ଣ୍ଣ ହେବା ନିକଟତର ।

ମୋଦି କହିଛନ୍ତି କି, ‘‘ ଯଦି ଆପଣ ସହରୀକରଣରେ ନିବେଶ କରିବାକୁ ଚାହାଁନ୍ତି, ତେବେ ଭାରତରେ ଆପଣଙ୍କ ପାଇଁ ରୋମାଞ୍ଚକର ଅବସର ରହିଛି । ଯଦି ଆପଣ ଟ୍ରାଫିକରେ ବିନିଯୋଗ କରିବାକୁ ଚାହୁଁଛନ୍ତି, ତେବେ ଭାରତ ଆପଣଙ୍କ ପାଇଁ ରୋମାଞ୍ଚକର ସୁଯୋଗ ପାଇଛି । ଯଦି ଆପଣ ସ୍ଥାୟୀ ସମାଧାନରେ ବିନିଯୋଗ କରିବାକୁ ଚାହୁଁଛନ୍ତି, ତେବେ ଭାରତରେ ଆପଣଙ୍କର ରୋମାଞ୍ଚକର ସୁଯୋଗ ରହିଛି । ’’

ଏହି ସୁଯୋଗଗୁଡ଼ିକ ଜୀବନ୍ତ ଗଣତନ୍ତ୍ର, ବ୍ୟବସାୟ ଅନୁକୂଳ ପରିବେଶ ଏବଂ ଏକ ବଡ଼ ବଜାର ସହ ମିଳିଥାଏ । ଭାରତ ସହରୀ ପରିବର୍ତ୍ତନ ରାସ୍ତାରେ ଭଲ କରି ଆଗକୁ ବଢୁଛି ।