ଭୁବନେଶ୍ବର: ଓଡିଶା ସରକାର 2020-21 ବର୍ଷ ପାଇଁ ରାଜ୍ୟ ବଜେଟ ଉପସ୍ଥାପିତ କରିବାକୁ ଥିବା ବେଳେ ଏଥିରେ ଚାଷୀଙ୍କୁ ଋଣପ୍ରଦାନକୁ ପ୍ରାଥମିକତା ଦିଆଯାଉ ବୋଲି ଯୁବଚାଷୀ ମନୋରଞ୍ଜନ ପରିଡା କହିଛନ୍ତି । ଓଡିଶାରେ ପ୍ରାକୃତିକ ବିପର୍ଯ୍ୟୟର ଭୟ ଲାଗି ରହିଥିବା ବେଳେ କ୍ଷତିଗ୍ରସ୍ତ ଚାଷୀକୁ ଋଣ ପ୍ରଦାନ କଲେ ସେ ଆଗକୁ ବଢିପାରନ୍ତା ବୋଲି ମତବ୍ୟକ୍ତ କରିଛନ୍ତି ।
ଓଡିଶା ବଜେଟ 2020: ଚାଷୀଙ୍କୁ ଋଣପ୍ରଦାନ ସରକାରଙ୍କ ପ୍ରାଥମିକତା ହେଉ
ଯୁବ ଚାଷୀ ମନୋରଞ୍ଜନ କହିଛନ୍ତି, ‘ରାଜ୍ୟ ସରକାର ଚାଷୀମାନଙ୍କ ପାଇଁ ଯେଉଁ ଅର୍ଥ ବଜେଟରେ ମଞ୍ଜୁର କରୁଛନ୍ତି ତାହା ଦେଖିବାକୁ ବଡ ହୋଇଥିଲେ ମଧ୍ୟ ସେଥିରେ ଚାଷୀ ଉପକୃତ ହୋଇପାରୁ ନାହାନ୍ତି । ବିଶେଷ କରି ଗ୍ରାମାଞ୍ଚଳର ଚାଷୀମାନେ ସର୍ବଦା ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହେଉଥିବା ବେଳେ ତାର ଆର୍ଥିକ ମେରୁଦଣ୍ଡ ଭାଙ୍ଗିଯାଉଛି । ସେ ବ୍ୟାଙ୍କ ପାଖକୁ ଗଲେ ମଧ୍ୟ ଚାଷୀକୁ ଋଣ ଯୋଗାଇ ଦିଆଯାଉନାହିଁ । ତେଣୁ ସରକାର ଏଦିଗରେ ଦୃଷ୍ଟି ଦେଇ ଚାଷୀଙ୍କ ପାଇଁ କିଛି ଯୋଜନା ଘୋଷଣା କଲେ ସେମାନେ ଉପକୃତ ହୋଇପାରନ୍ତେ ।’