ନୂଆଦିଲ୍ଲୀ: ବିଶ୍ବର ଧନୀ ତାଲିକାରେ ଗଣା ଯାଉଥିବା ରିଲାଏନ୍ସ ଇଣ୍ଡଷ୍ଟ୍ରିଜ ମାଲିକ ମୁକେଶ ଅମ୍ବାନୀଙ୍କୁ ପଛରେ ପକାଇଲା ଆଦାନି ଗ୍ରୁପ । ଆଦାନି ଗ୍ରୁପ ଅଧ୍ୟକ୍ଷ ତଥା ପ୍ରତିଷ୍ଠାତା ଗୌତମ ଆଦାନି (Gautam Adani becomes Asia's richest person) ଏସିଆର ସବୁଠୁ ଧନୀ ବ୍ୟବସାୟୀ ପାଲଟିଛନ୍ତି । ତେବେ ଆଦାନିଙ୍କ ସମ୍ପତ୍ତି ତାଲିକା ସ୍ପଷ୍ଟ ହୋଇନଥିଲେ ମଧ୍ୟ ସେ ଅମ୍ବାନିଙ୍କ ଠାରୁ ଆଗରେ ଥିବା ଜଣାପଡିଛି । ଗତ ସପ୍ତାହରେ ଆଦାନିଙ୍କ ସମ୍ପତ୍ତି ୮ ହଜାର ୮୦୦ କୋଟି ଡଲାର ଥିବାବେଳେ ଅମ୍ବାନିଙ୍କ ସମ୍ପତ୍ତି ୯ ହଜାର ୧୦୦ କୋଟି ଥିଲା । କିନ୍ତୁ ଏହି ସପ୍ତାହରେ ସେ ଅମ୍ବାନିଙ୍କୁ ପଛରେ ପକାଇଦେଇଛନ୍ତି ।
୨୦୨୦ ମାର୍ଚ୍ଚ ୧୮ରେ ଆଦାନିଙ୍କ ସମ୍ପତ୍ତି ୪୯୧ କୋଟି ଡଲାର ଥିଲା । କିନ୍ତୁ ୨୦୨୦ ଏପ୍ରିଲ ପର ଠାରୁ ତାଙ୍କ ବ୍ୟବସାୟ ଦ୍ରୁତଗତିରେ ବୃଦ୍ଧି ପାଇଛି । ତାଙ୍କ କମ୍ପାନିଗୁଡିକର ସେୟାର ମୂଲ୍ୟ ୧୮ ମାସ ମଧ୍ୟରେ ୫-୬ ଗୁଣା ପର୍ଯ୍ୟନ୍ତ ବୃଦ୍ଧି ପାଇଥିଲା । ଏହି ୧୮ ମାସରେ ତାଙ୍କ ସମ୍ପତ୍ତି ୧୮୦୮ ପ୍ରତିଶତ ବୃଦ୍ଧି ପାଇ ୮ ହଜାର ୩୮୯ କୋଟି ଡଲାରରେ ପହଞ୍ଚିଥିଲା ।