ନୂଆଦିଲ୍ଲୀ: କୋଭିଡ-19ରେ ପ୍ରଭାବିତ ଅର୍ଥନୀତି ପୁଣି ଟ୍ରାକକୁ ଫେରୁଛି । ସେପ୍ଟେମ୍ବରର ମାସର ବିଭିନ୍ନ ଅର୍ଥନୈତିକ ପରିସଂଖ୍ୟାନ ସଙ୍କେତ ଦେଉଛି କି ଅନେକ ସେକ୍ଟର ତୀବ୍ର ଗତିରେ ଅର୍ଥାତ V ଆକାରରେ ସୁଧୁରୁଛି । ସରକାର କୋଭିଡ-19 ମହାମାରୀରେ ପ୍ରଭାବିତ ଅର୍ଥବ୍ୟବସ୍ଥାକୁ ପୁଣି ଭିଟାମିନ ଦେବାକୁ ଗ୍ରହଣ କରିଥିବା ବିଭିନ୍ନ ପଦକ୍ଷେପର ଏହାର ଫଳାଫଳ ବୋଲି ଦର୍ଶାଇଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।
ଅନ୍ତରାଷ୍ଟ୍ରୀୟ ମୁଦ୍ରାକୋଷ (ଆଇଏମଏଫ)ର ଅନ୍ତରାଷ୍ଟ୍ରୀୟ ମୁଦ୍ରାନୀତି ଓ ଆର୍ଥିକ କମିଟିର ପୂର୍ଣ୍ଣ ବୈଠକରେ ଭିଡିଓ କନଫରେନ୍ସିଂକୁ ସମ୍ବୋଧିକ କରି ସୀତାରମଣ କହିଛନ୍ତି କି, ଅନେକ ସ୍ବଳ୍ପ ଆୟ ଓ ବିକାଶଶୀଳ ଦେଶରେ ଗରିବ ସୀମାରେଖା ତଳେ ରହୁଥିବା କୋଟି କୋଟି ଲୋକ ଜୀବିକା ବଞ୍ଚାଇ ରଖିବା ଓ ତାହାକୁ ସୁନିଶ୍ଚିତ କରିବା ଭଳି ଆହ୍ବାନ ସହ ଜୁଝୁଛନ୍ତି ।
ଅର୍ଥ ମନ୍ତ୍ରାଳୟର ଏକ ବିବୃତ୍ତି ଅନୁସାରେ ସୀତାରମଣ କହିଛନ୍ତି କି, ଦେଶରେ ଚାଲିଥିବା ପୁନରୁଦ୍ଧାର ଏବଂ ପୁନର୍ବାସ ଉଦ୍ୟମକୁ କୌଣସି ପ୍ରକାରେ ଦୁର୍ବଳ କରାଯିବା ଉଚିତ ନୁହେଁ । ଏଥିସହ ଭାରତର ତୀବ୍ର ଓ ମଜବୁତ ଆର୍ଥିକ ପୁନଃରୁଦ୍ଧାରକୁ ନେଇ ସୀତାରମଣ ଆତ୍ମନିର୍ଭର ପ୍ୟାକେଜ ଅଧିନରେ କରାଯାଇଥିବା ଉପାୟର ସୂଚନା ଦେଇଛନ୍ତି ।