ନୂଆଦିଲ୍ଲୀ:କୃଷକଙ୍କୁ କେନ୍ଦ୍ର ସରକାରଙ୍କ ବଡ ଭେଟି । ରବି ଫସଲ ପାଇଁ ସର୍ବନିମ୍ନ ସହାୟକ ମୂଲ୍ୟ (MSP) ବଢାଇଲେ କେନ୍ଦ୍ର ସରକାର । ବୁଧବାର ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟର ସିସିଇଏ(ଆର୍ଥିକ ମାମଲା ସମିତି) ବୈଠକରେ ମାର୍କେଟିଂ ସିଜନ ୨୦୨୨-୨୩ ପାଇଁ ରବି ଫସଲର MSP ବଢାଇବାକୁ ନିଷ୍ପତ୍ତି ନିଆଯାଇଛି । ଗହମ, ବାର୍ଲି, ଚଣା, ମସୂର, ସୋରିଷ ଏବଂ ସାଫଫ୍ଲାୱାରର MSP ବୃଦ୍ଧି ନେଇ ଘୋଷଣା କରିଛନ୍ତି କେନ୍ଦ୍ର ସରକାର ।
ମସୁର ଏବଂ ସୋରିଷର MSP ସବୁଠୁ ଅଧିକ ୪୦୦ ଟଙ୍କା ବୃଦ୍ଧି ହୋଇଛି । ଏହାପରେ ଚଣା MSP ୧୩୦ ଟଙ୍କା ବଢିଛି । ସୋରିଷର MSP ୪,୬୫୦ ଟଙ୍କାରୁ ୫,୦୫୦କୁ ବୃଦ୍ଧି ହୋଇଛି । ଗହମ ପାଇଁ MSP ୧,୯୭୫ରୁ ୨,୦୧୫ ଟଙ୍କାକୁ ବଢାଇ ଦିଆଯାଇଛି । ସେହିପରି ବାର୍ଲିର MSP ୧,୬୦୦ ଟଙ୍କାରୁ ବଢି ୧,୬୩୫ ଟଙ୍କା, ଚଣାର ୫,୧୦୦ ଟଙ୍କାରୁ ୫,୨୩୦ ଟଙ୍କାକୁ MSP ବୃଦ୍ଧି କରିଛନ୍ତି କେନ୍ଦ୍ର ସରକାର । ସାଫଫ୍ଲାୱର MSP ୫,୩୨୭ ଟଙ୍କାରୁ ୫,୪୪୧କୁ ବଢିଛି ।