ନୂଆଦିଲ୍ଲୀ: ଗୋଟିଏ ମାସରେ ବ୍ୟାନ ହେଲା ୨୦ ଲକ୍ଷରୁ ଊର୍ଦ୍ଧ୍ବ ହ୍ବାଟ୍ସଆପ ଆକାଉଣ୍ଟ । ଅଗଷ୍ଟରେ ୨୦.୭ ଲକ୍ଷ ଭାରତୀୟ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଛି ହ୍ବାଟ୍ସଆପ । ନିକଟରେ ଏହି ମେସେଜିଂ ପ୍ଲାଟଫର୍ମ ଏକ ରିପୋର୍ଟ ଜାରି କରି କହିଛି କି, ଇତିମଧ୍ୟରେ ତାଙ୍କୁ e-mails ଏବଂ ଅଭିଯୋଗ ଅଧିକାରୀଙ୍କ ନିକଟକୁ ପଠାଯାଇଥିବା mail ଜରିଆରେ ୪୨୦ଟି ଅଭିଯୋଗ ମିଳିଛି ଏବଂ ପ୍ଲାଟଫର୍ମ ସେଥିମଧ୍ୟରୁ 41ଟି ଅଭିଯୋଗ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ନୂଆ IT ନିୟମ ଅଧୀନରେ ୨ ଲକ୍ଷ ୭୦ ହଜାର ଭାରତୀୟ ଆକାଉଣ୍ଟ ବ୍ୟାନ କରିଥିବା କହିଛି ହ୍ବାଟ୍ସଆପ ।
ସେହିସବୁ ଭାରତୀୟ ଆକାଉଣ୍ଟଗୁଡିକର ଚିହ୍ନଟକରଣ ଫୋନ ନମ୍ବରରୁ କରାଯାଇଛି । ଏହାପୂର୍ବରୁ ଫେସବୁକର ମାଲିକାନା କମ୍ପାନୀ ହ୍ବାଟ୍ସଆପ କହିଛି ଯେ ଯେଉଁ ଆକାଉଣ୍ଟ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି ସେଥିମଧ୍ୟରୁ 95 ପ୍ରତିଶତରୁ ଅଧିକ ସ୍ବୟଂଚାଳିତ ତଥା ସ୍ପାମ୍ ମେସେଜ ପ୍ରେରଣ ମାମଲାରେ ଜଡିତ ଅଛନ୍ତି । ନିଜ ପ୍ଲାଟଫର୍ମର ଦୂରୁପଯୋଗ ରୋକିବା ପାଇଁ ହ୍ବାଟ୍ସଆପ ବିଶ୍ବବ୍ୟାପୀ ପ୍ରାୟ ୮୦ ଲକ୍ଷ ଆକାଉଣ୍ଟ ଉପରେ ରୋକ୍ ଲଗାଇଛି ।