ନୂଆଦିଲ୍ଲୀ, ଲକଡାଉନ ପରଠୁ ସାଇବର କ୍ରାଇମରେ ବୃଦ୍ଧି ଦେଖାଦେଇଛି । ଆଗାମୀ ଦିନରେ ମଧ୍ୟ ସାଇବର ଅପରାଧୀ କୋଭିଡ-19ର ବାହାନାରେ ବହୁ ପରିମାଣରେ ଲୋକ ଓ କାରବାରୀଙ୍କୁ ଟାର୍ଗେଟ କରିପାରେ ବୋଲି ଚେତାବନୀ ଦେଇଛନ୍ତି । ଏଥିପାଇଁ ଦୂରସଞ୍ଚାର କମ୍ପାନୀଗୁଡିକ ନେଟୱର୍କ ଓ ସିଷ୍ଟମ ନେଇ ଅଧିକ ଆଲର୍ଟ ହୋଇଛନ୍ତି ।
ଏୟାରଟେଲ ଏକ ସୁରକ୍ଷା ପରାମର୍ଶଦାତା କହିଛନ୍ତି ଯେ, ଲଗାତାର ମନିଟରିଂ ଚାଲିଛି ଏବଂ ଆଗାମୀ 5ରୁ7 ଦିନ ପାଇଁ ସୁରକ୍ଷା ଅପରେସନ ସେଣ୍ଟରକୁ ବିପଦପୂର୍ଣ୍ଣ ପରିସ୍ଥିତି ପାଇଁ ପ୍ରସ୍ତୁତ କରାଯାଇଛି ।
କୋଭିଡ-19 ମହାମାରୀ ଯୋଗୁଁ ବହୁ ସଂଖ୍ୟକ କର୍ମଚାରୀ ଘରୁ କାମ କରୁଛନ୍ତି । ଏଥିଯୋଗୁଁ ବିପଦ ବଢିଯାଇଛି । ବିଶେଷ କରି ଫିସିଂ ଆକ୍ରମଣ ନେଇ ଅଧିକ ବିପଦ ରହିଛି । ତେବେ ଏହି ଆକ୍ରମଣରୁ ବଞ୍ଚିବା ପାଇଁ ଏୟାରଟେଲ ନିଜ ଗ୍ରାବହକଙ୍କୁ ସମସ୍ତ ଜରୁରୀ ସୁରକ୍ଷା ଉପାୟ ଅବଲମ୍ବନ ପାଇଁ କହିଛି ।
କମ୍ପାନୀ କହିଛି କି ‘‘ଏହି ଆକ୍ରମଣଗୁଡିକ କେବଳ ଗୁରୁତ୍ୱପୂର୍ଣ୍ଣ ବ୍ୟବସାୟୀକ କାର୍ଯ୍ୟକଳାପକୁ ବାଧା ଦେବାରେ ବିପଦ ସୃଷ୍ଟି କରିବ ନାହିଁ, ବରଂ ଆପଣଙ୍କ ବ୍ରାଣ୍ଡର ପ୍ରତିଷ୍ଠା ଉପରେ ମଧ୍ୟ ପ୍ରଭାବ ପକାଇପାରେ । ଏହି ବିପଦକୁ ଏଡାଇବା ପାଇଁ ସଂଗଠନଗୁଡିକ ନିଜ ସାଇବର ଭିତ୍ତିଭୂମିକୁ ମଜବୁତ କରିବା ଆବଶ୍ୟକ । "
ବିଭିନ୍ନ ରିପୋର୍ଟକୁ ଦର୍ଶାଇ ଏୟାରଟେଲ ଚେତାବନୀ ଦେଇଛି ଯେ, ଇ-ମେଲ, ଫିସିଂ ଆକ୍ରମଣ, ସନ୍ଦେହଜନକ ୱେବପୃଷ୍ଠା, ଇଣ୍ଟରନେଟ ଲିଙ୍କ, ନେଟୱର୍କ ସହ ଜଡିତ ଅପଡେଟ ସିଷ୍ଟମ ଏବଂ ଆଇଡି ଚୋରି ମାଧ୍ୟମରେ ସାଇବର ଆକ୍ରମଣ ଆରମ୍ଭ ହୋଇପାରେ।
