SBI ଚତୁର୍ଥ ତ୍ରୟମାସ ରିପୋର୍ଟ କାର୍ଡ: 4 ଗୁଣ ବଢି 3,581 କୋଟି ପହଞ୍ଚିଲା ପ୍ରଫିଟ

ଜାରି ହୋଇଛି ଏସବିଆଇର ଚତୁର୍ଥ ତ୍ରୟମାସର ପ୍ରଫିଟ ରିପୋର୍ଟ କାର୍ଡ । ଜବଦସ୍ତ ପ୍ରଫିଟ ସହ ବ୍ୟାଙ୍କକୁ 3,580.81 କୋଟି ଟଙ୍କା ମିଳିଛି । ଯାହାକି ଗତ ବର୍ଷ ଏହି ତ୍ରୟମାସରେ 838.4 କୋଟି ଟଙ୍କା ଥିଲା । ଅଧିକ ପଢନ୍ତୁ..

ନୂଆଦିଲ୍ଲୀ: ଦେଶର ସର୍ବବୃହତ୍ତ ବ୍ୟାଙ୍କ ଭାରତୀୟ ଷ୍ଟେଟ ବ୍ୟାଙ୍କ(ଏସବିଆଇ)ର ନିଟ ଲାଭ 2019-20 ଆର୍ଥିକ ବର୍ଷର ଚତୁର୍ଥ ତ୍ରୟମାସରେ 4 ଗୁଣା ଉଛୁଳିଛି । ଫଳରେ ଏସବିଆଇକୁ ପ୍ରଫିଟ 3,580.81 କୋଟି ଟଙ୍କା ହୋଇଛି ।

ଶୁକ୍ରବାର ଏସବିଆଇ ପକ୍ଷରୁ ସେୟାର ବଜାରକୁ ଦିଆଯାଇଥିବା ସୂଚନାରେ କୁହାଯାଇଛି କି, ଏହା ପୂର୍ବ ଆର୍ଥିକ ବର୍ଷ ଅର୍ଥାତ 2018-19ର ଏହି ତ୍ରୟମାସରେ 838.4 କୋଟି ଟଙ୍କା ଲାଭ ହୋଇଥିଲା ।

ବ୍ୟାଙ୍କର ମୋଟ ଆୟ 2020 ମାର୍ଚ୍ଚ 31 ସମାପ୍ତ ତ୍ରୟମାସରେ 76,027.51 କୋଟି ଟଙ୍କା ରହିଛି । ଯାହାକି 1 ବର୍ଷ ପୂର୍ବେ ଏହି ତ୍ରୟମାସରେ 75,670.5 କୋଟି ଟଙ୍କା ଥିଲା ।

ସେହିପରି ବ୍ୟାଙ୍କର ମୋଟ ଏନପିଏ( ଅନାଦେୟ ଋଣ) ଗତ ଆର୍ଥିକ ବର୍ଷ 2019-20 ଚତୁର୍ଥ ତ୍ରୟମାସରେ ମୋଟ ଋଣର 6.15 ପ୍ରତିଶତ ରହିଥିଲା । ଯାହାକି 2018-19ରେ ଏହି ତ୍ରୟମାସରେ 7.53 ପ୍ରତିଶତ ଥିଲା ।