ନୂଆଦିଲ୍ଲୀ: ଆଇସିଆଇସିଆଇ ଲମ୍ବୋର୍ଡ, ଗୋ ଡିଜିଟ ଜେନେରାଲ ଇନସ୍ୟୁରାନ୍ସ ଏବଂ ପ୍ଲିପକାର୍ଟ ମିଶି କୋଭିଡ-19 ପାଇଁ ସ୍ବାସ୍ଥ୍ୟ ବୀମା ଆଣିଛନ୍ତି । ଏହି ପଲିସି ଅଧିନରେ ଚିକିତ୍ସା ଖର୍ଚ୍ଚ, ରୁମ କିମ୍ବା ଇଣ୍ଟେନ୍ସିଭ କେୟାର ୟୁନିଟ୍ (ଆଇସିୟୁ) ଭଡା, ଆମ୍ବୁଲାନ୍ସ ସହାୟତା ଆଦି ଜରୁରୀ ସେବା ଅନ୍ତର୍ଭୁକ୍ତ ।
ଏକ ସଂଯୁକ୍ତ ବୟାନରେ ଏହି କମ୍ପାନୀମାନେ କହିଛନ୍ତି ଯେ, ପଲିସି କ୍ରୟ ପାଇଁ ଚିକିତ୍ସା ପରୀକ୍ଷଣର ଆବଶ୍ୟକତା ନାହିଁ । ଏହା ସହ ଏହାର ସମ୍ପୂର୍ଣ୍ଣ ପ୍ରକ୍ରିୟା ଡିଜିଟାଲ ରହିବ । ଏହି କ୍ରମରେ 2ଟି ପଲିସି ଅଣାଯାଇଛି ।