ବିମାନ ଯାତ୍ରୀ ସତର୍କ! କୋଭିଡ ନିୟମ ଭାଙ୍ଗିଲେ ଗଣିବେ ତଣ୍ଡ

ଏଣିକି ବିମାନରେ ଯେଉଁ ଯାତ୍ରୀ କୋଭିଡ-19 ଦିଶାନିର୍ଦ୍ଦେଶ ଅନୁସାରେ ସଠିକ ଭାବେ ମାସ୍କ ପିନ୍ଧିବେ ନାହିଁ କି ସାମାଜିକ ଦୂରତା ନିୟମ ଉଲଙ୍ଘନ କରିବେ, ସେମାନଙ୍କ ଉପରେ ଲାଗିବ ଜୋରିମାନା । ଅଧିକ ପଢନ୍ତୁ..

ନୂଆଦିଲ୍ଲୀ: ଏଣିକି ବିମାନରେ ଯେଉଁ ଯାତ୍ରୀ କୋଭିଡ-19 ଦିଶାନିର୍ଦ୍ଦେଶ ଅନୁସାରେ ସଠିକ ଭାବେ ମାସ୍କ ପିନ୍ଧିବେ ନାହିଁ କି ସାମାଜିକ ଦୂରତା ନିୟମ ଉଲଙ୍ଘନ କରିବେ, ସେମାନଙ୍କ ଉପରେ ଲାଗିବ ଜୋରିମାନା । ଘଟଣାସ୍ଥଳରେ ଉପସ୍ଥିତ ପୋଲିସ କର୍ମଚାରୀଙ୍କ ସହଯୋଗରେ ଅମାନିଆ ଯାତ୍ରୀଙ୍କ ଉପରେ ତଣ୍ଡ କଷିବାକୁ ନିର୍ଦ୍ଦେଶ ଦେଇଛି ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ।

ଡିଜିସିଏ ମାର୍ଚ୍ଚ 13ରେ ବିମାନବନ୍ଦର ଓ ବିମାନ କମ୍ପାନୀଙ୍କୁ କହିଥିଲା କି, ଯାତ୍ରୀ ଯାତ୍ରା ସମୟରେ ପ୍ରତି ମୂହୁର୍ତ୍ତରେ ଯେପରି ମାସ୍କ ପିନ୍ଧିବେ ଓ ସାମାଜିତ ଦୂରତା ବଜାୟ ରଖିବେ ତାହା ସୁନିଶ୍ଚିତ କରାଯାଉ । ଆଉ ଯେଉଁମାନେ ନିର୍ଦ୍ଦେଶାବଳୀ ଅନୁସରଣ କରୁନାହାଁନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଡିଜିସିଏ ମଧ୍ୟ କହିଛି ।

ମଙ୍ଗଳବାର ଜାରି କରାଯାଇଥିବା ଏକ ସର୍କୁଲାରରେ ନିୟାମକ କହିଛନ୍ତି ଯେ କିଛି ବିମାନବନ୍ଦରରେ ଦେଖିବାକୁ ମିଳିଛି କି, କୋଭିଡ -19 ପ୍ରୋଟୋକଲ ପାଳନ କରିବାରେ ସେମାନଙ୍କ ପ୍ରଦର୍ଶନ ସନ୍ତୋଷଜନକ ନୁହେଁ ।

‘‘ଏଣୁ ସମସ୍ତ ବିମାନବନ୍ଦରର ଅପରେଟରମାନଙ୍କୁ ଅନୁରୋଧ କରାଯାଇଛି ଯେ, ସମସ୍ତେ ନାକ ଏବଂ ପାଟିକୁ ଆଚ୍ଛାଦନ କରୁଥିବା ମାସ୍କ ପିନ୍ଧିବା ନେଇ ସୁନିଶ୍ଚିତ କରନ୍ତୁ । ଏଥିସହ କୋଭିଡ -19 ପ୍ରୋଟୋକଲ ଅନୁଯାୟୀ ସାମାଜିକ ଦୂରତାର ମାନଦଣ୍ଡ ପ୍ରସ୍ତୁତ କରନ୍ତୁ । ’’ ଡିଜିସିଏ କହିଛି ଯେ ଅପରେଟରମାନେ ସମସ୍ତ ବିମାନବନ୍ଦର ଏହି ପରିପ୍ରେକ୍ଷୀରେ ଯାଞ୍ଚ ବଢାଇପାରିବେ । ନିର୍ଦ୍ଦେଶାବଳୀ ଉଲ୍ଲଂଘନ କରୁଥିବା ବ୍ୟକ୍ତିଙ୍କ ବିରୋଧରେ ଦଣ୍ଡବିଧାନ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ।