ନୂଆଦିଲ୍ଲୀ: କୋପରେଟିଭ ବ୍ୟାଙ୍କକୁ ନେଇ କ୍ୟାବିନେଟ ବୈଠକରେ ନିଆଯାଇଛି ବଡ ନିଷ୍ପତ୍ତି । ଏଣିକି ସମସ୍ତ କୋପରେଟିଭ ବ୍ୟାଙ୍କ ଓ ମଲ୍ଟି ଷ୍ଟେଟ କୋପରେଟିଭ ବ୍ୟାଙ୍କ ଭାରତୀୟ ରିଜର୍ଭ ବ୍ୟାଙ୍କର ତତ୍ତ୍ୱାବଧାନରେ ରହିବ । ଏହି ସବୁ ବ୍ୟାଙ୍କ ଜମାକାରୀଙ୍କୁ ଆରାମ ପ୍ରଦାନ ଲକ୍ଷ୍ୟରେ ଏହି ପଦକ୍ଷେପ ଗ୍ରହଣ ହୋଇଛି ।
ଏଣିକି ଆରବିଆଇ ଅଧିନରେ ରହିବ 1,540 କୋପରେଟିଭ ବ୍ୟାଙ୍କ - cooperative banks RBIs supervision
କୋପରେଟିଭ ବ୍ୟାଙ୍କକୁ ନେଇ କ୍ୟାବିନେଟର ବଡ ନିଷ୍ପତ୍ତି । ଏଣିକି ଦେଶର 1540 କୋପରେଟିଭ ବ୍ୟାଙ୍କ ଆରବିଆଇ ତତ୍ତ୍ୱବଧାନରେ ରହିବ । ଫଳରେ ଜମାକର୍ତ୍ତାଙ୍କ ବିଶ୍ବାସ ସୁଦୃଢ ହେବ । ଅଧିକ ପଢନ୍ତୁ..
ଏଣିକି ଆରବିଆଇ ଅଧିନରେ ରହିବ 1,540 କୋପୋରେଟିଭ ବ୍ୟାଙ୍କ
1482 ସହରାଞ୍ଚଳ କୋପରେଟିଭ ବ୍ଯାଙ୍କ ଏବଂ 58 ମଲ୍ଟି ଷ୍ଟେଟ କୋପରେଟିଭ ବ୍ଯାଙ୍କକୁ ବ୍ୟାଙ୍କ ଅଧୀନରେ ଅଣାଯାଇଛି। ଏହା ପରେ ଯେଉଁ ଭଳି କମର୍ସିଆଲ ବ୍ୟାଙ୍କ କାର୍ଯ୍ୟସୂଚୀ ଉପରେ ଆରବିଆଇ ନିର୍ଦ୍ଦେଶ ଓ ଆଦେଶନାମା ଲାଗୁ ହେଉଛି ସେହିଭଳି ଏବେ କୋପରେଟିଭ ବ୍ୟାଙ୍କ ଉପରେ ମଧ୍ୟ ଲାଗୁ ହେବ । ବୁଧବାର କ୍ୟାବିନେଟ ବୈଠକ ପରେ ଏ ନେଇ କେନ୍ଦ୍ର ମନ୍ତ୍ରୀ ପ୍ରକାଶ ଜାଭେଦକର ସୂଚନା ଦେଇଛନ୍ତି ।
ଜାଭେଦକର କହିଛନ୍ତି କି, ଭାରତରେ କୋପୋରେଟିଭ ବ୍ୟାଙ୍କର ବହୁତ ବଡ ଶାଖା ରହିଛି । ଏହି 1540 କୋପରେଟିଭ ବ୍ୟାଙ୍କରେ 8.6 କୋଟି ଜମାକର୍ତ୍ତା ଅଛନ୍ତି । ଏମାନଙ୍କ ମୋଟ ଜମା ପୁଞ୍ଜି 4.84 ଲକ୍ଷ କୋଟି ପାଖାପାଖି ରହିଛି । ଆଉ ଏବେ ରିଜର୍ଭ ବ୍ୟାଙ୍କ ଅଧିନରେ ଏହି ସବୁ ଆସିଲେ ଜମାକର୍ତ୍ତାଙ୍କ ବିଶ୍ବାସ ବଢିବ ।