ନୂଆଦିଲ୍ଲୀ: ଟିକଟକର ମୂଳ କମ୍ପାନୀ ବାଇଟଡ୍ୟାନ୍ସ ମାଇକ୍ରୋସଫ୍ଟ ବଦଳରେ ଓରାକଲକୁ ଚୟନ କରିଛି । ଟିକଟକ ବିଜନେସ ମାଇକ୍ରୋସଫ୍ଟକୁ ବିକ୍ରି କରାଯିବ ନାହିଁ ବୋଲି କମ୍ପାନୀ ସ୍ପଷ୍ଟ କରିଦେଇଛି । ସେପଟେ ବାଇଟଡ୍ୟାନ୍ସ କମ୍ପାନୀ ଆମେରିକା ଟିକଟକକୁ ପରିଚାଳନା ପାଇଁ ଓରିକଲ ସହ ଟେକ୍ନିକାଲ ପାର୍ଟନରସିପ କରିଛି । ଏ ମାମଲା ସହ ଜଡିତ 3 ସୂତ୍ର ଅନୁସାରେ ବାଇଟଡ୍ୟାନ୍ସ ନିଜର ଭିଡିଓ ମେକିଂ ଆପ ଟିକଟକକୁ ସମ୍ପୂର୍ଣ୍ଣ ରୂପେ ବିକ୍ରି କରିନାହିଁ ।
ଏହି ଟେକ୍ନିକାଲ ପାର୍ଟନରସିପ ଡିଲ ଅଧିନରେ ଓରାକଲ ଏବେ ଜାତୀୟ ସୁରକ୍ଷାର ପ୍ରସଙ୍ଗକୁ ଅନୁସନ୍ଧାନ କରିବ ଏବଂ ସମାଧାନ କରିବ ଯାହା ଟ୍ରମ୍ପ ପ୍ରଶାସନ ଦ୍ୱାରା ପ୍ରଶ୍ନ କରାଯାଇଥିଲା।