ନୂଆଦିଲ୍ଲୀ: କୋଭିଡ ସଙ୍କଟ ଭିତରେ ଡରାଇଲାଣି 'ମ୍ୟୁକୋରମାଇକୋସିସ୍'(ବ୍ଲାକ୍ ଫଙ୍ଗସ୍) । ଏଣୁ ମ୍ୟୁକୋରମାଇକୋସିସ୍ ଚିକିତ୍ସାରେ ବ୍ୟବହୃତ ଔଷଧର ମୂଲ୍ୟ ତଥା ଯୋଗାଣ ନିୟନ୍ତ୍ରଣ କରିବାକୁ ରାସାୟନିକ ଏବଂ ସାର ମନ୍ତ୍ରୀ ସଦାନନ୍ଦ ଗୌଡାଙ୍କୁ ଅନୁରୋଧ କରିଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ସୁରେଶ ପ୍ରଭୁ ।
ଏହି ଔଷଧକୁ ଫଙ୍ଗଲ ସଂକ୍ରମଣରେ ବ୍ୟବହୃତ କରାଯାଇପାରିବ । ଏଣୁ ଏହାକୁ ସଠିକ ଭାବେ ରେଗୁଲେଟ କରିବା ଆବଶ୍ୟକତା ରହିଛି । ମଙ୍ଗଳବାର ଗୌଡାଙ୍କୁ ଲେଖିଥିବା ଚିଠିରେ ପ୍ରଭୁ କହିଛନ୍ତି କି, ଫାର୍ମାସ୍ୟୁଟିକାଲ୍ କମ୍ପାନୀଗୁଡିକ ଏହି ସଂକ୍ରମଣର ଚିକିତ୍ସାରେ ବ୍ୟବହୃତ ଔଷଧ ଆମ୍ଫୋଟେରିସିନ୍ ମୂଲ୍ୟ ବୃଦ୍ଧି କରିଛନ୍ତି । ଏଥିସହ ଏହି ଔଷଧର ଅଭାବ ମଧ୍ୟ ଦେଖାଯାଇଛି ।