ହାଇଦ୍ରାବାଦ: ଦେଶରେ ପହଞ୍ଚିଲା ଋଷର କୋରୋନା ଭ୍ୟାକ୍ସିନ ସ୍ପୁଟନିକ ଭି’ ର ସବୁଠାରୁ ବଡ କନସାଇନମେଣ୍ଟ । ସ୍ପୁଟନିକ ଭି’ ର 30 ଲକ୍ଷ ଡୋଜର କନସାଇନମେଣ୍ଟ ମଙ୍ଗଳବାର ହାଇଦ୍ରାବାଦ ରାଜୀବ ଗାନ୍ଧୀ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ପହଞ୍ଚିଛି ।
ଜିଏମଆର ହାଇଦ୍ରାବାଦ ଏୟାର କାର୍ଗୋ (GHAC) ର ଏକ ପ୍ରେସ ବିଜ୍ଞପ୍ତିରେ କୁହାଯାଇଛି କି, ଭ୍ୟାକ୍ସିନ consignment ଋଷରୁ ସ୍ବତନ୍ତ୍ର ଭାବେ ଚାଟାର୍ଡ କାର୍ଗୋ ଆରୟୁ -9450 ହାଇଦ୍ରାବାଦ ବିମାନ ବନ୍ଦରରେ 03.43 ରେ ପହଞ୍ଚିଛି । ଏହା ପୂର୍ବରୁ ମଧ୍ୟ ଜିଏଚଏସି ଭ୍ୟାକ୍ସିନର ଅନେକ ଆମଦାନୀ ସିପମେଣ୍ଟକୁ ପାଇଛି । ହେଲେ ମଙ୍ଗଳବାର ଆସିଥିବା 56.6 ଟନର ସିପମେଣ୍ଟ ଭାରତରେ ଏବେ ସୁଦ୍ଧା ପ୍ରାପ୍ତ କରାଯାଇଥିବା କୋଭିଡ-19 ଟିକାର ସବୁଠୁ ବଡ ଆମଦାନୀ ସିପମେଣ୍ଟ । ଏହି ସିପମେଣ୍ଟ ସମସ୍ତ ପ୍ରକ୍ରିୟାକୁ ପୂରଣ କରିଛି । ଏହାକୁ 90 ମିନିଟ ରୁ କମ ସମୟରେ ପଠାଯାଇଛି ।