ନୂଆଦିଲ୍ଲୀ: ସ୍ପାଇସଜେଟ୍ ଏୟାରଲାଇନର ମନସୁନ ସେଲ ଅଫର । ଅତି ସୁଲଭ ମୂଲ୍ୟରେ ଆପଣ ଉଠାଇ ପାରିବେ ବିମାନ ଯାତ୍ରାର ମଜା । ସ୍ପାଇସଜେଟ୍ ମାତ୍ର 999 ଟଙ୍କାରେ ଯାତ୍ରୀଙ୍କୁ ବିମାନ ଯାତ୍ରାର ସୁବିଧା ଯୋଗାଇବ । ଏହି ଅଫର କେବଳ ଘରୋଇ ଏୟାରଲାଇନରେ ମିଳିବ । ଗୁରୁବାର ଏୟାରଲାଇନ ଭିସ୍ତାରା ମଧ୍ୟ ଘରୋଇ ରୁଟରେ 48 ଘଣ୍ଟିଆ ମନସୁଲ ସେଲ ଅଫର ଘୋଷଣା କରିଥିଲା । ଯେଉଁଥିରେ ମାତ୍ର 1099 ଟଙ୍କାରେ ବିମାନ ଯାତ୍ରା କରିପାରିବେ ଯାତ୍ରୀ ।
ସ୍ପାଇସଜେଟ୍ କହିଛି ଯେ ଯାତ୍ରୀମାନେ ମନସୁନ ସେଲରେ ମାଗଣା ଫ୍ଲାଇଟ୍ ଭାଉଚର ୱିକେଣ୍ଡ ଗେଟୱେ ଏବଂ ରୋମାଞ୍ଚକର ଛୁଟି ଉପଭୋଗ କରିପାରିବେ । ଚଳିତ ବର୍ଷ ଅଗଷ୍ଟ ମାସରୁ 2022 ମାର୍ଚ୍ଚ 31 ତାରିଖ ଯାଏଁ ଏହି ଅଫର ସମୟସୀମା ରହିଛି । ଆଜି(ଶୁକ୍ରବାର) ଠାରୁ ଏଥିପାଇଁ ବୁକିଂ ଆରମ୍ଭ ହୋଇଛି ଏବଂ ଏହା ଆସନ୍ତା 30 ତାରିଖ ପର୍ଯ୍ୟନ୍ତ ଚାଲିବ ।