ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିଜ, ଏଚଡିଏଫସି ବ୍ୟାଙ୍କ, ଆଇସିଆଇସିଆଇ ବ୍ୟାଙ୍କ ସେୟାର ବଢିବା ଦ୍ବାରା ସେୟାର ବଜାରରେ ଅଭିବୃଦ୍ଧି ଜାରି ରହିଛି । ଗୁରୁବାରକୁ ଲଗାତାର ତୃତୀୟ ଦିନରେ ବଜାର ପ୍ରଫିଟରେ ବନ୍ଦ ହୋଇଛି । ଏହି ଅବଧିରେ କାରବାର ଶେଷ ସମୟରେ ସେନସେକ୍ସ 529 ପଏଣ୍ଟ ଚଢି ବନ୍ଦ ହୋଇଛି । ସକରାତ୍ମକ ବୈଶ୍ବିକ ସଙ୍କେତ ଦ୍ବାରା ମଧ୍ୟ ବଜାର ଧାରଣାକୁ ବଳ ମିଳିଛି ।
ସେନସେକ୍ସ-ନିଫ୍ଟି ସ୍ଥିତି
ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସେନସେକ୍ସ 529.36 ପଏଣ୍ଟ ବୃଦ୍ଧି ପାଇ 46,973.54 ପଏଣ୍ଟରେ ବନ୍ଦ ହୋଇଛି । ସେହିଭଳି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 148.15 ପଏଣ୍ଟ ଉଛୁଳି 13,749.25 ପଏଣ୍ଟରେ ପହଞ୍ଚିଛି ।