ମୁମ୍ବାଇ: କୋଭିଡ-19 ମହାମାରୀର ଦ୍ବିତୀୟ ଲହର ଯୋଗୁଁ ଲାଗୁ ଲକଡାଉନ ମାଡରେ ପ୍ରଭାବିତ ବାଣିଜ୍ୟିକ ଯାନ ବିକ୍ରି । ଏଥିପାଇଁ ଚଳିତ ଆର୍ଥିକ ବର୍ଷ ଅର୍ଥାତ 2021-22 ରେ ଗାଡି ବିକ୍ରି 23ରୁ 28 ପ୍ରତିଶତ ବୃଦ୍ଧି ଅନୁମାନ ରହିଛି । ଯେତେବେଳେ କି ପୂର୍ବରୁ ଏହା 32 ରୁ 37 ପ୍ରତିଶତ ବୃଦ୍ଧି ଆଶା ଥିଲା । ଏ ନେଇ ରେଟିଂ ଏଜେନ୍ସି କ୍ରିସିଲ ଏହାର ଏକ ରିପୋର୍ଟରେ କହିଛି ।
କ୍ରିସିଲ ସୋମବାର ଜାରି ଏକ ରିପୋର୍ଟରେ କହିଛି କି ଏହି ବୃଦ୍ଧି ପରେ ମୋଟ କମର୍ସିଆଲ ଯାନର ବିକ୍ରି 2019 ତୁଳନାରେ ଚଳିତ ଆର୍ଥିକ ବର୍ଷରେ ପ୍ରାୟ 30 ପ୍ରତିଶତ କମ ହୋଇପାରେ ।
କୋଭିଡ-19 ମହାମାରୀ ପ୍ରତିହିତ ପାଇଁ ଗତ ବର୍ଷ ଲାଗୁ ଲକଡାଉନ ସମୟରେ ବିକ୍ରି ଦଶକର ସର୍ବନିମ୍ନ ସ୍ତରରେ ପହଞ୍ଚିଥିଲା । ଆର୍ଥିକ ବର୍ଷ 2020-21 ରେ କମର୍ସିଆଲ ଯାନର ବିକ୍ରି 21 ପ୍ରତିଶତ ହ୍ରାସ ହୋଇ 5,68,559 ୟୁନିଟ ରହିଥିଲା । ଯେତେବେଳେ କି 2019-20 ରେ ଏହି ସଂଖ୍ୟା 7,17,539 ଥିଲା ।
କ୍ରିସିଲ କହିଛି କି କମର୍ସିଆଲ ଯାନ ବିଭାଗରେ 2020 ଓ 2021 ମଧ୍ୟରେ କ୍ରମଶଃ 29 ପ୍ରତିଶତ ଓ 21 ପ୍ରତିଶତ ହ୍ରାସ ହୋଇଛି ।
ରେଟିଂ ଏଜେନ୍ସି ଅନୁସାରେ ଏପ୍ରିଲରେ ଭଡା ଦରରେ ପ୍ରାୟ 20 ପ୍ରତିଶତ ଯାଏଁ ହ୍ରାସ ହୋଇଛି । ଆଉ ମେ ମାସରେ ପ୍ରଫିଟକୁ ନେଇ ପରିଚାଳନାରେ ଚାପ ଜାରି ରହିଛି ।