ନୂଆଦିଲ୍ଲୀ: ଅନଲାଇନ କ୍ୟାବ ସେବା ପ୍ରଦାନକାରୀ କମ୍ପାନୀ ଓଲା ଏଣିକି ଭପଭୋକ୍ତାଙ୍କ ଘରେ ଘରେ ପହଞ୍ଚାଇବ ଅକ୍ସିଜେନ କନସେନଟ୍ରେଟର । ଓଲା ଫାଉଣ୍ଡେସନ ସୋମବାର କହିଛି ଯେ ଉପଭୋକ୍ତାଙ୍କୁ ଅକ୍ସିଜେନ କନସେନଟ୍ରେଟର ଯୋଗାଇବା ପାଇଁ ଡୋନେସନ ପ୍ଲାଟଫର୍ମ ଗିଭଇଣ୍ଡିଆ ସହ ହାତ ମିଳାଇଛି ।
ଏଥିସହ ଓଲା ଦେଶରେ କୋଭିଡ-19 ମହାମାରୀର ଦ୍ବିତୀୟ ଲହର ମଧ୍ୟରେ ରିଲିଫ କାର୍ଯ୍ୟରେ ଯୋଗଦାନ ଦେଉଥିବା କମ୍ପାନୀଙ୍କ ଲିଷ୍ଟରେ ମଧ୍ୟ ସାମିଲ ହୋଇଛି । ଓଲା ଆପ ଜରିଆରେ ଏହି ସେବା ନିଶୁଳ୍କ ଉପଲବ୍ଧ କରାଯୁବ । ଆଉ ଚଳିତ ସପ୍ତାହରେ ବେଙ୍ଗାଲୁରୁରରେ ଏହାର ଶୁଭାରମ୍ଭ ହେବ । ପ୍ରଥମରେ 500 ଅକ୍ସିଜେନ କନସେନଟ୍ରେଟର ସହ ସେବା ଆରମ୍ଭ କରାଯିବ ।
ଓଲା ଫାଉଣ୍ଡେସନ ଏକ ବିବୃତ୍ତିରେ କହିଛି କି , ଓଲା ଏବଂ ଗିଭ ଇଣ୍ଡିଆ ଆଗାମୀ ସପ୍ତାହରେ 10,000 କନସେନଟ୍ରେଟର ସହ ସମଗ୍ର ଦେଶରେ ଏହି ସେବାର ବିସ୍ତାର କରିବ । ଉପଭୋକ୍ତା କିଛି ମୌଳିକ ସୂଚନା ଦେଇ ଓଲା ଆପ୍ ମାଧ୍ୟମରେ ଅକ୍ସିଜେନ କନସେନଟ୍ରେଟର ପାଇଁ ଅନୁରୋଧ ଦାଖଲ କରିପାରିବେ । ଥରେ ଅନୁରୋଧ ଦାଖଲ ପରେ ଏହା ଯାଞ୍ଚ ହୋଇଯିବ ଏବଂ ଓଲା ଏହାକୁ ସ୍ବତନ୍ତ୍ର ତାଲିମପ୍ରାପ୍ତ ଡ୍ରାଇଭର ସହିତ ଏହାର ଏକ କ୍ୟାବରେ ଗ୍ରାହକଙ୍କ ଘରକୁ ପଠାଇବ ।
ତେବେ ରୋଗୀର ଅବସ୍ଥା ସୁଧାରିବା ପରେ ଏବଂ କନସେନଟ୍ରେଟର ଆବଶ୍ୟକତା ଶେଷ ହୋଇଗଲେ, ଓଲା ଉପକରଣ ପ୍ରତ୍ୟାହାର କରି ଅନ୍ୟ ରୋଗୀଙ୍କ ପାଇଁ ପ୍ରସ୍ତୁତ କରିବା ଉଦ୍ଦେଶ୍ୟରେ ଏହାକୁ ଗିଭ ଇଣ୍ଡିଆକୁ ଫେରାଇଦେବେ ।
ଓଲା ସେୟାରମ୍ୟାନ ଓ ଗ୍ରୁପ ସିଇଓ କହିଛନ୍ତି କି , ‘‘ଏହି ଅଦୃଶ୍ୟ ସମୟରେ, ଆମେ ଏକତ୍ରିତ ହୋଇ ଲୋକଙ୍କୁ ସାହାଯ୍ୟ କରିବା ଉଚିତ୍ | ଆମେ ଆଶା କରୁଛୁ ଯେ ଆମର ଏହି ପଦକ୍ଷେପ ଏହି କଠିନ ସମୟରେ ବହୁତ ଜରୁରୀ ସହାୟତା ଯୋଗାଇବ ଏବଂ ଏହା ପ୍ରଭାବିତ ଲୋକଙ୍କ ଯନ୍ତ୍ରଣା ଏବଂ ଅସୁବିଧାକୁ ହ୍ରାସ କରିବାରେ ସହାୟକ ହେବ। ’’
