ନୂଆଦିଲ୍ଲୀ: ବଢିଲା କ୍ଷୀର ଦାମ । ଦେଶର ଅଗ୍ରଣୀ ଦୁଗ୍ଧ ଯୋଗାଣକାରୀ କମ୍ପାନୀ ମଦର ଡାଏରୀ ଓ ଅମୂଲ ଲିଟର ପିଛା କ୍ଷୀର କ୍ରମଶଃ 3 ଓ 2 ଟଙ୍କା ବୃଦ୍ଧି କରିଛନ୍ତି । ରବିବାରରୁ ଏହି ନୂଆ ଦର ଲାଗୁ ହେବ ।
ଶନିବାର ମଦର ଡାଏରୀ ଦିଲ୍ଲୀ ଏନସିଆରରେ କ୍ଷୀର ଦର ବୃଦ୍ଧି କରି କହିଛି ଯେ, କମ ଯୋଗାଣ ଓ କ୍ରୟ ଯୋଗୁଁ ଦାମ ବଢାଇବାକୁ ପଡିଛି । ଫଳରେ ଲିଟର ପିଛା କ୍ଷୀର ଦାମ ଏବେ 42 ଟଙ୍କା ବଦଳରେ 45ରେ ପହଞ୍ଚିଛି ଏବଂ ଡବଲ ଟୋଣ୍ଡ ଦୁଗ୍ଧ 36ରୁ ବଢି 39 ଟଙ୍କା ଅଛି । ସେହିଭଳି ଗାଇ ଦୁଗ୍ଧ 3 ଟଙ୍କା ବଢି ଲିଟର ପିଛା 47 ହୋଇଛି ।