ନୂଆଦିଲ୍ଲୀ: ଦେଶ ଅର୍ଥନୀତିକୁ ନୂଆ ମୋଡ ଦେବେ ମୋଦି ସରକାର । ସକରାତ୍ମକ ରହିବ ଆର୍ଥିକ ଅଭିବୃଦ୍ଧି । ଆସନ୍ତା 5 ବର୍ଷ ମଧ୍ୟରେ ମୋଟ ଘରୋଇ ଉତ୍ପାଦ 7 ପ୍ରତିଶତକୁ ବୃଦ୍ଧି ପାଇବ । ଏପରିକି ବିକାଶଶୀଳ ରାଷ୍ଟ୍ର ବ୍ରିଟେନକୁ ପଛରେ ପକାଇ ଏସିଆ-ପ୍ରଶାନ୍ତର ଦ୍ବିତୀୟ ବୃହତ୍ତ ଅର୍ଥବ୍ୟବସ୍ଥା ଭାବେ ଉଭା ହେବ ଭାରତ । ଆଉ ଏସବୁ ସମ୍ଭବ 2025 ମଧ୍ୟରେ । ଏ ନେଇ ଆଗୁଆ ଅନୁମାନ କରିଛି ଆଇଏଚଏସ ମାର୍କେଟ ନାମକ ଆର୍ଥିକ ସର୍ଭେ ସଂସ୍ଥା ।
ବୁଡିଯାଉଥିବା ଅର୍ଥବ୍ୟବସ୍ଥାକୁ ଦେଖି ଦୋହଲିଯାଇଥିବା ସରକାରଙ୍କୁ ଆଶ୍ବସ୍ତି ଦେଇଛି ଆଇଏଚଏସ । ଶନି ଦଶା ଭୋଗୁଥିବା ଦେଶର ଅର୍ଥନୀତିକୁ ମିଳିଛି ଦିଶା । ଜିଡିପି ବୃଦ୍ଧି ସହ ସୃଷ୍ଟି ହେବ ନିଯୁକ୍ତି ସୁଯୋଗ । କୃଷି ଠାରୁ ଶିଳ୍ପ ପ୍ରତିଟି କ୍ଷେତ୍ରରେ ଦେଖାଦେବ ଅଭିବୃଦ୍ଧି । ରପ୍ତାନୀ ସାଙ୍ଗକୁ ରାଜକୋଷରେ ସବୁଥିରେ ଦେଖାଦେବ ସକରାତ୍ମକ ପ୍ରଭାବ ।