ନୂଆଦିଲ୍ଲୀ: ଚୀନ ଆପ ବ୍ୟାନ ପରେ ସରକାର ଆରମ୍ଭ କରିଥିବା ଆତ୍ମନିର୍ଭର ଭାରତ ଆପ ଚ୍ୟାଲେଞ୍ଜକୁ ମିଳୁଛି ଜବରଦସ୍ତ ପ୍ରତିକ୍ରିୟା । ଏହାକୁ ଦୃଷ୍ଟିରେ ରଖି ଏଥିରେ ଏଣ୍ଟ୍ରି ପଠାଇବା ସମୟସୀମାକୁ ଜୁଲାଇ 26 ରୁ ବଢାଇଦିଆଯାଇଛି । ଜଣେ ବରିଷ୍ଠ ଅଧିକାରୀ ଏନେଇ ସୂଚନା ଦେଇଛନ୍ତି ।
ବିବୃତ୍ତି ଅନୁସାରେ, ଚୟନ ହୋଇଥିବା 8 ବର୍ଗରେ ଏପର୍ଯ୍ୟନ୍ତ 2,353 ଟି ଏଣ୍ଟ୍ରି ଗ୍ରହଣ କରାଯାଇଛି । ଏସବୁ ସରକାରଙ୍କ ଆତ୍ମନିର୍ଭର ଭାରତ ଅଭିଯାନକୁ ପ୍ରୋତ୍ସାହିତ କରିବାରେ ସାହାଯ୍ୟ କରିବ ।
ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ରବି ଶଙ୍କର ପ୍ରସାଦ ଟ୍ବିଟ କରି କହିଛନ୍ତି କି, ‘‘ ଆପ ଡେଭଲପର୍ସ ଓ ଇନୋଭଟର୍ସଙ୍କ ଉତ୍ସାହପୂର୍ଣ୍ଣ ଅଂଶଗ୍ରହକୁ ଧ୍ୟାନରେ ରଖି ଏହି # ଆତ୍ମନିର୍ଭର ଆପ ଇନୋଭେସନ ଚ୍ୟାଲେଞ୍ଜ ପାଇଁ ଏଣ୍ଟ୍ରି ଜମା କରିବାର ସମୟସୀମାକୁ 2020 ଜୁଲାଇ 20କୁ ବଢାଯାଉଛି । ’’