ନୂଆଦିଲ୍ଲୀ: ମହାମାରୀ କାଳରେ ଗ୍ରାହକଙ୍କୁ ଭେଟି ଦେଲା ଦୂରସଞ୍ଚାର କମ୍ପାନୀ ରିଲାଏନ୍ସ ଜିଓ । ସମସ୍ତଙ୍କୁ ଯେପରି ମୋବାଇଲ ସେବା ମିଳିବ ସେଥିପାଇଁ ଏକ ନିର୍ଦ୍ଦିଷ୍ଟ ସମୟ ପାଇଁ ଦୈନିକ ମାଗଣାରେ ଯୋଗାଇ ଦିଆଯିବ କଲିଂ ସୁବିଧା ।
କୋରୋନା କାଳ ମଧ୍ୟରେ ଗ୍ରାହକଙ୍କୁ ପ୍ରତି ମାସ 300 ମିନିଟ ଅର୍ଥାତ ଦୈନିକ 10 ମିନିଟ ମାଗଣା କଲ କରିବାକୁ ସୁବିଧା ଦେବ ଜିଓ । ଏଥିପାଇଁ କମ୍ପାନୀ ରିଲାଏନ୍ସ ଫାଉଣ୍ଡେସନ ସହ ମିଶି କାମ କରୁଛୁ । ଏ ନେଇ ଶୁକ୍ରବାର ଜିଓ ପକ୍ଷରୁ ସୂଚନା ଦିଆଯାଇଛି ।
ଜିଓ ଏକ ବିବୃତ୍ତିରେ କହିଛି କି କୋରୋନା ମହାମାରୀ ଓ ଲକଡାଉନ ଯୋଗୁଁ ଏହାର ଯେଉଁ ଗ୍ରାହକ ରିଚାର୍ଜ କରିପାରୁନାହାନ୍ତି ସେମାନଙ୍କୁ ଏହି ସୁବିଧା ମିଳିବ । ସେହିଭଳି ଏହା ପୂର୍ବରୁ କୋରୋନାର ଦ୍ବିତୀୟ ଲହର ମଧ୍ୟରେ ଗ୍ରାହକଙ୍କୁ ମାଗଣା ଟକଟାଇମ ସୁବିଧା ଘୋଷଣା କରିଥିବା ରିଲାଏନ୍ସ ଜିଓ ପ୍ରଥମ କମ୍ପାନୀ ହୋଇଛି ।
ଦେଶର ଅଧିକାଂଶ ରାଜ୍ୟରେ ଲକଡାଉନ ଲାଗିଛି, ଲୋକ ଘରେ ବନ୍ଦ ରହିଛନ୍ତି । ଏଭଳି ସମୟରେ ମୋବାଇଲ ରିଚାର୍ଜ କରିବା କଷ୍ଟକର ହୋଇପଡିଛି । ଏଣୁ ଏହି କଠିନ ସମୟରେ ରିଲାଏନ୍ସ ଜିଓ ନିଜ ଗ୍ରାହକଙ୍କୁ ଦେଇଛି ସ୍ବତନ୍ତ୍ର ସୁବିଧା ।