ନୂଆଦିଲ୍ଲୀ: ପଲିସିଧାରୀଙ୍କୁ ଆଶ୍ବସ୍ତି ଦେବା ପାଇଁ ଜାରି ରହିଛି ବୀମା ନିୟାମକ ଇରଡାର ପ୍ରୟାସ । କୋଭିଡ-19 ସଂକ୍ରମିତ ରୋଗୀଙ୍କ ପାଇଁ ହୋଇଥିବା ଅସ୍ଥାୟୀ ହସ୍ପିଟାଲରେ ଚିକିତ୍ସା ସହ ଜଡିତ ଦାବିକୁ ସମାଧାନ ପାଇଁ ସାଧାରଣ ତଥା ସ୍ୱାସ୍ଥ୍ୟ ବୀମାକାରୀଙ୍କୁ କହିଛି ଇରଡା ।
କୋଭିଡ-19 ମାମଲା ବୃଦ୍ଧିକୁ ନଜରର ରଖି ଅନେକ ରାଜ୍ୟ ସରକାର ଅସ୍ଥାୟୀ ହସ୍ପିଟାଲ ତିଆରି କରିଛନ୍ତି ।
ଇସ୍ୟୁରାନ୍ସ ରେଗୁଲେଟରୀ ଆଣ୍ଡ ଡେଭଲପମେଣ୍ଟ ଅଥରଟି ( ଇରଡା) ଏକ ସର୍କୁଲାରରେ ଦର୍ଶାଇଛି ଯେ, ପଲିସି ଚୁକ୍ତିନାମାର ନିୟମ ଓ ସର୍ତ୍ତ ଅନୁଯାୟୀ କୋଭିଡ-19 ଚିକିତ୍ସା ଖର୍ଚ୍ଚ କଭର ନେଇ ନିଶ୍ଚିତ କରିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ଅନୁମୋଦିତ ଅସ୍ଥାୟୀ ହସ୍ପିଟାଲକୁ ହିଁ ହସ୍ପିଟାଲ ଗ୍ରହଣ କରାଯିବ । ଏଥିସହ ବୀମା କମ୍ପାନୀ ନିୟମ ଅନୁସାରେ ଦାବି ସମାଧାନ କରିବେ ।
ଇରଡା କହିଛି ଯେ, ଯେତେବେଳେ କୋଭିଡ -19 ସଂକ୍ରମିତ ହେବା ପରେ ଡାକ୍ତରଙ୍କ ପରାମର୍ଶ କ୍ରମେ ଜଣେ ପଲିସିଧାରୀ ଏପରି ଅସ୍ଥାୟୀ ଡାକ୍ତରଖାନାରେ ଭର୍ତ୍ତି ହୁଅନ୍ତି, ସେତେବଳେ ପଲିସି ଚୁକ୍ତିନାମା ଅନୁଯାୟୀ ଡାକ୍ତରଖାନାର ପରିଭାଷାକୁ କିଛି ବି ହେଉ ପଛେ ଚିକିତ୍ସା ଖର୍ଚ୍ଚର ସମାଧାନ ବୀମା କମ୍ପାନୀଗୁଡିକ କରିବେ ।