ନୂଆଦିଲ୍ଲୀ: ଅକ୍ଟୋବର ମାସରେ ସୁଧୁରିଛି ଦେଶର ବିନିର୍ମାଣ ଗତିବିଧି । ଏହାକୁ ମିଶାଇ ଲଗାତାର 3ୟ ମାସ ଧରି ଏହି ସେକ୍ଟରରେ ଅଭିବୃଦ୍ଧି ଦେଖାଦେଇଛି । ଏକ ମାସିକ ସର୍ଭେ ଅନୁସାରେ ନୂଆ ଅର୍ଡର ଓ ଉତ୍ପାଦନରେ ବୃଦ୍ଧି ଯୋଗୁଁ ଅକ୍ଟୋବରରେ ବିନିର୍ମାଣ ଗତିବିଧି 13 ବର୍ଷର (2007 ଅକ୍ଟୋବର ମାସ ପରଠୁ ) ଉଚ୍ଚ ସ୍ତରରେ ପହଞ୍ଚିଛି ।
ଆଇଏଚଏସ ମାର୍କେଟ ଇଣ୍ଡିଆର ମାନ୍ୟୁଫେକଚରିଂ ପରଚେଜିଂ ମ୍ୟାନେଜର୍ସ ସୂଚକାଙ୍କ (ପିଏମଆଇ) ଅକ୍ଟୋବରରେ ବୃଦ୍ଧି ପାଇଁ 56.8 ପଏଣ୍ଟ ରହିଛି । ଯାହାକି ସେପ୍ଟେମ୍ବରରେ 56.8 ଥିଲା । ଏହି ସେକ୍ଟର ଗତ 1 ଦଶକର ସବୁଠୁ ଅଧିକ ସୁଧାର ରେକର୍ଡ କରିଛି । ଲଗାତାର 32 ମାସ ପର୍ଯ୍ୟନ୍ତ ବୃଦ୍ଧି ରେକର୍ଡ କରିବା ପରେ ଏପ୍ରିଲରେ ଏହି ସୂଚକାଙ୍କରରେ ହ୍ରାସ ଦେଖିବାକୁ ମିଳିଥିଲା ।
ପ୍ରକାଶ ଯେ, ପିଏମଆଇ ସୂଚକାଙ୍କ 50 ପଏଣ୍ଟରୁ ଉପରକୁ ରହିବା ଅର୍ଥାତ ବୃଦ୍ଧିକୁ ଦର୍ଶାଇଥାଏ । ଯେତେବେଳେ କି ଏହା ଠାରୁ ତଳ ଅର୍ଥାତ ଚାପରେ ବା ସଙ୍କୁଚନକୁ ସୂଚାଇଥାଏ । ଆଇଏଚଏସ ମାର୍କିଟର ଇକୋନୋମିକ୍ସ ନିର୍ଦ୍ଦେଶକ ପୋଲିଅନ୍ନା ଡେ ଲୀମା କହିଛନ୍ତି କି, ‘‘ ଭାରତରେ ବିନିର୍ମାଣ ଗତିବିଧି ଠିକ ଦିଗରେ ବଢୁଛି । ପିଏମଆଇ ତଥ୍ୟରେ ଅନେକ ସକରାତ୍ମକ ଜିନିଷ ଦେଖିବାକୁ ମିଳିଛି । କୋଭିଡ କଟକଣାକୁ କୋହଳ ପରେ କାରଖାନା ସମ୍ପୂର୍ଣ୍ଣ କ୍ଷମତା ସହ କାମ କରୁଛି । ଏଥିସହ କମ୍ପାନୀକୁ ନୂଆ ଅର୍ଡର ମିଳୁଛି ।