ନୂଆଦିଲ୍ଲୀ: କୋଭିଡ-19 ମହାମାରୀକୁ ପ୍ରତିହିତ ପାଇଁ ଦେଶବ୍ୟାପି ଜାରି ଲକଡାଉନ ଯୋଗୁ ସବୁ ସେକ୍ଟରକୁ କ୍ଷତି ସହିବାକୁ ପଡିଛି । ଏଥିମଧ୍ୟରେ ଚା’ ଉତ୍ପାଦନ ମଧ୍ୟ ଏପ୍ରିଲ ମାସରେ 54 ପ୍ରତିଶତ ହ୍ରାସ ପାଇ 39.02 ମିଲିୟନ କିଲୋଗ୍ରାମରେ ପହଞ୍ଚିଛି । ଚା’ ବୋର୍ଡ (Tea Board) ଏ ନେଇ ତଥ୍ୟ ପ୍ରକାଶ କରିଛି ।
ଗତ ବର୍ଷ ଏହି ସମୟରେ ଚା’ ଉତ୍ପାଦନ 84.49 ମିଲିୟନ କିଲୋଗ୍ରାମ ରହିଥିଲା । ହେଲେ ଏବର୍ଷ ଏପ୍ରିଲରେ ଏହା 39.02 ମିଲିୟନ କିଲୋଗ୍ରାମକୁ ହ୍ରାସ ପାଇଛି । ଏଥିରେ 33.79 ମିଲିୟନ କିଲେଗ୍ରାମ ସିଟିସି (crush-tear-curl) କିସମର ରହିଥିଲା ବେଳେ, 4.74 ମିଲିୟନ କିଲୋଗ୍ରାମ ପାରମ୍ପରିକ କିସମର ଏବଂ 0.49 ମିଲିୟନ କିଲୋ ଗ୍ରୀନ ଟି ରହିଛି ।