ୱାଶିଂଟନ: ଭାରତରେ ଲାଗୁ କୃଷି ବିଲ ଦ୍ବାରା କୃଷକଙ୍କ ଆୟ ବଢିବା କ୍ଷମତା ରହିଛି । କିନ୍ତୁ ଏଥିସହ ଦୁର୍ବଳ କୃଷକଙ୍କ ସାମାଜିକ ସୁରକ୍ଷା ପ୍ରତି ମଧ୍ୟ ଧ୍ୟାନ ଦେବା ଆବଶ୍ୟକ । ନୂଆ କୃଷି ଆଇନକୁ ସମର୍ଥନ କରି ଅନ୍ତରାଷ୍ଟ୍ରୀୟ ମୁଦ୍ରା କୋଷ (ଆଇଏମଏଫ) ମୁଖ୍ୟ ଅର୍ଥନୀତିଜ୍ଞ ଭାରତୀୟ ବଂଶୋଦ୍ଭବ ଗୀତା ଗୋପୀନାଥ ଏ ନେଇ ମତ ରଖିଛନ୍ତି । ସେ କହିଛନ୍ତି କି ଭାରତୀୟ କୃଷିକୁ ସୁଧାରର ଆବଶ୍ୟକତା ରହିଛି ।
କୃଷି ଆଇନକୁ ବିରୋଧ କରି ସାଧାରଣତନ୍ତ୍ର ଦିବସରେ ଦିଲ୍ଲୀ ଲାଲକିଲ୍ଲାରେ ଚାଷୀଙ୍କ ଆକ୍ରୋଶ ପରେ ଆଇଏମଏଫ ମୁଖ୍ୟ ଅର୍ଥନୀତିଜ୍ଞଙ୍କ ଏଭଳି ପ୍ରଂଶସା ଓ ସହମତି ସରକାରଙ୍କୁ ଉପଶମ ଦେଇଛି । ୱାଶିଂଟନ ସ୍ଥିତ ବୈଶ୍ବିକ ଆର୍ଥିକ ସଂସ୍ଥାନର ମୁଖ୍ୟ ଅର୍ଥନୀତିଜ୍ଞ ଜଣାଇଛନ୍ତି କି ଏଭଳି ଅନେକ ସେକ୍ଟର ରହିଛି, ଯେଉଁଠି ସୁଧାରର ଆବଶ୍ୟକତା ରହିଛି । ଭାରତ ସରକାର ଗତ ବର୍ଷ ସେପ୍ଟେମ୍ବରରେ 3 କୃଷି ଆଇନକୁ ଲାଗୁ କରାଯାଇଥିଲା । ଆଉ ଏହାକୁ କୃଷି କ୍ଷେତ୍ରର ବଡ ସଂସ୍କାର ଭାବେ ଉପସ୍ଥାପନ କରାଯାଇଥିଲା । ଏହାଦ୍ବାରା ଚାଷୀଙ୍କ ବିକ୍ରେତାଙ୍କ ସହ ସିଧାସଳଖ ସମ୍ପର୍କ ରହିବ । ଏଥିସହ ମଧ୍ୟସ୍ଥତାଙ୍କ ଭୂମିକା କମିବା ସହ ଚାଷୀଙ୍କ ଲାଭ ବଢିବ । ଏହା ବାଦ ଚାଷୀ ଦେଶରେ ଯେଉଁଠି ମଧ୍ୟ ନିଜ ଉତ୍ପାଦନ ବିକ୍ରିର ସ୍ବାଧୀନତା ପାଇବେ ।