ଅସ୍ଥିତ୍ବ ବଜାୟ ରଖିବାକୁ ଅନର ସ୍ମାର୍ଟଫୋନ ବିଜନେସ ବିକିଲା ହୁୱାଇ

ହୁୱାଇ ଶେଷରେ ନିଜର ସବ୍‌-ବ୍ରାଣ୍ଡ ଅନର ସ୍ମାର୍ଟଫୋନ ବିଜନେସକୁ ବିକ୍ରି କରିବାକୁ ନିଷ୍ପତ୍ତି ନେଇଛି । ଏ ନେଇ କମ୍ପାନୀ ମଙ୍ଗଳବାର ଘୋଷଣା କରିଛି । ଅଧିକ ପଢନ୍ତୁ..

ନୂଆଦିଲ୍ଲୀ: ଆମେରିକାରର ପ୍ରତିବନ୍ଧକ ମଧ୍ୟରେ ବ୍ୟବସାୟକୁ ବଞ୍ଚାଇବା ପାଇଁ ପ୍ରାୟ 2 ବର୍ଷ ଧରି ସଂଘର୍ଷ କରୁଥିବା ହୁୱାଇ ଶେଷରେ ନିଜର ସବ୍‌-ବ୍ରାଣ୍ଡ ଅନର କୁ ବିକ୍ରି କରିବାକୁ ନିଷ୍ପତ୍ତି ନେଇଛି । ଏ ନେଇ କମ୍ପାନୀ ମଙ୍ଗଳବାର ଘୋଷଣା କରିଛି । ଚୀନରେ ରହିଥିବା କମ୍ପାନୀ ଶେନଜେନ୍ ଜିକ୍ସିନ୍ ନ୍ୟୁ ଇଫରମେସନ ଟେକ୍ନୋଲୋଜି ପ୍ରାଇଭେଟ ଲିମିଟେଡ( Shenzhen Zhixin New Information Technology Co Ltd) କୁ ଅନର ର ବ୍ୟବସାୟିକ ସମ୍ପତ୍ତି ବିକ୍ରି ହେବ ।

ତଥ୍ୟ ଅନୁସାରେ , 15 ବିଲିୟନ ଡଲାରରେ ହୁୱାଇ ଏବଂ ଶେନଜେନ ମଧ୍ୟରେ ଏହି ଡିଲ ନିର୍ଦ୍ଧାରିତ ହୋଇଛି । ଯାହା ଦ୍ବାରା ଅନରର ଚ୍ୟାନେଲ ସେଲର ଓ ଯୋଗାଣକାରୀକୁ ଏହି ସଙ୍କଟ ସମୟରୁ ମୁକୁଳିବା ପାଇଁ ସହଯୋଗ ମିଳିବ ।

ଆମେରିକାରେ ଅନର ସ୍ମାର୍ଟଫୋନରେ କଟକଣା ଲାଗି ହେବା ପରେ ହୁୱାଇ କୌଣସି ମଧ୍ୟ ଆମେରକୀୟ କମ୍ପାନୀ ସହ ବିଜନେସ କରିପାରୁ ନଥିଲା ।

ତେବେ ଏ ନେଇ କମ୍ପାନୀ ଏକ ବିବୃତ୍ତି ଜାରି କରି କହିଛି କି, ‘‘ ଅନର ବିକ୍ରି ହେବା ପରେ ହୁୱାଇ ପାଖରେ ଏହାର କୌଣସି ମଧ୍ୟ ସେୟାର ରହିବ ନାହିଁ । ହୁୱାଇ ଏହାର ବ୍ୟବସାୟ ପରିଚାଳନରେ କୌଣସି ପ୍ରକାରରେ ସାମିଲ ହେବ ନାହିଁ । ଏଥିସହ ହୁୱାଇ ପାଖରେ ନୂଆ ଅନର କମ୍ପାନୀକୁ ନେଇ କୌଣସି ନିର୍ଣ୍ଣୟ ନେବାର ଅଧିକାର ରହିବ ନାହିଁ ।