ମୁମ୍ବାଇ: ଆଇସିଆଇସିଆଇ ବ୍ୟାଙ୍କ ସିଇଓ ଚନ୍ଦା କୋଚ୍ଚରଙ୍କ ସ୍ବାମୀ ଦୀପକ ବିରେନ୍ଦ୍ର କୋଚ୍ଚରଙ୍କ ଚିକିତ୍ସା ପାଇଁ ଘରୋଇ ହସ୍ପିଟାଲକୁ ସ୍ଥାନାନ୍ତରିତ ଯାଚିକାକୁ ଖାରଜ କଲେ ଦିଲ୍ଲୀ ଉଚ୍ଚ ନ୍ଯାୟଳୟ । ଦୀପକ କୋଚ୍ଚର କୋରୋନା ପଜେଟିଭି ଚିହ୍ନଟ ପରେ ସେ ଏବେ ହରିୟାଣାର ଏନସିଆଇରେ ଭର୍ତ୍ତି ଅଛନ୍ତି ।
ଦୀପକ କୋଚ୍ଚରଙ୍କ ଯାଚିକା ଖାରଜ କଲେ ହାଇକୋର୍ଟ
ଆଇସିଆଇସିଆଇ ବ୍ୟାଙ୍କ-ଭିଡିଓକନ ମାମଲାରେ ଗିରଫ ହୋଇଥିବା ଦୀପକ କୋଚ୍ଚରଙ୍କ ଯାଚିକାକୁ ଖାରଜ କରିଛନ୍ତି ଦିଲ୍ଲୀ ହାଇକୋର୍ଟ । ବର୍ତ୍ତମାନ କୋଚ୍ଚର ମୁମ୍ବାଇର ଏକ ବିଶେଷ ପିଏମଏଲଏ ଅଦାଲତର ନ୍ୟାୟିକ ହେପାଜତରେ ରହିଛନ୍ତି । ଅଧିକ ପଢନ୍ତୁ..
HC declines to entertain Deepak Kochhar plea to be shifted to pvt hospital
ତେବେ ତାଙ୍କର ଅନ୍ୟାନ ରୋଗ ରହିଥିବାକୁ ଚିକିତ୍ସା ପାଇଁ ତାଙ୍କୁ ଗୁରୁଗ୍ରାମ ସ୍ଥିତ କୌଣସି ଘରୋଇ ହସ୍ପିଟାଲରେ ବ୍ୟକ୍ତିଗତ ଖର୍ଚ୍ଚ ସହ ତାଙ୍କୁ ସ୍ଥାନାନ୍ତରଣ ନେଇ କୋର୍ଟରେ ଅନୁରୋଧ କରାଯାଇଥିଲା । ହେଲେ ଏହି ମାମଲାରେ ଜଷ୍ଟିସ ଏ ଜେ ଭମ୍ବାନୀ ବିରାର କରିବେ ନାହିଁ ବୋଲି ମନା କରିଦେଇଛନ୍ତି । ବର୍ତ୍ତମାନ କୋଚ୍ଚର ମୁମ୍ବାଇର ଏକ ବିଶେଷ ପିଏମଏଲଏ ଅଦାଲତର ନ୍ୟାୟିକ ହେପାଜତରେ ରହିଛନ୍ତି । ଏଣୁ ଏବେ ତାଙ୍କୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତରିତ କରାଯାଇପାରିବ ନାହିଁ ବୋଲି କୋର୍ଟ ସ୍ପଷ୍ଟ କରିଛନ୍ତି ।
ମନି ଲଣ୍ଡରିଂ ନିରୋଧୀ ଆଇନ (ପିଏମଏଲଏ) ଅଧିନରେ ଦୀପକ କୋଚ୍ଚରଙ୍କୁ ଇଡି ଗିରଫ କରିଥିଲା । ଗତ ବର୍ଷ ଚନ୍ଦା ଓ ଦୀପକ ଏବଂ ଭିଡିଓକନ ଗ୍ରୁପର ପ୍ରମୁଖ ବେଣୁଗୋପାଳ ଧୂତଙ୍କ ନାଁରେ ଇଡି ଅପରାଧିକ ଷଡଯନ୍ତ୍ର ମାମଲା ରୁଜୁ କରିଥିଲା । ତେବେ ନୂଆ ପ୍ରମାଣପତ୍ରକୁ ଭିତ୍ତି କରି ଇଡି ପକ୍ଷରୁ ଜେରା କରାଯାଇ ଦୀପକଙ୍କୁ ଗିରଫ କରାଯାଇଛି । ସେପ୍ଟେମ୍ବର 19 ଯାଏଁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ହେପାଜତରେ ତାଙ୍କୁ କୋର୍ଟ ପଠାଇଥିଲାବେଳେ ଏବେ ସେ କୋରୋନା ଆକ୍ରାନ୍ତ ଅଛନ୍ତି ।