ନୂଆଦିଲ୍ଲୀ: କୋରୋନା ସଂକ୍ରମଣ ପାଇଁ ସିନେମା ହଲଗୁଡିକରେ ଲକ ପଡିଛି । ଦୀର୍ଘ 5 ମାସ ଧରି ବନ୍ଦ ରହିବା ଯୋଗୁଁ ଏବେ ଆର୍ଥିକ ସଙ୍କଟରେ ସିନେମା ହଲ ମାଲିକ ଓ ଏହା ସହ ଜଡିତ ଲୋକମାନେ । ଏହାକୁ ନଜରରେ ରଖି ସୂଚନା ଓ ପ୍ରସାରଣ ମନ୍ତ୍ରଣାଳୟ ଏକ ନିଷ୍ପତ୍ତି ନେଇଛି ।
ଅଗଷ୍ଟ ମାସରେ ଦେଶର ସମସ୍ତ ସିନେମା ହଲଗୁଡିକୁ ଖୋଲିବାକୁ ଗୃହମନ୍ତ୍ରଣାଳୟକୁ ସୁପାରିଶ କରିଛି ସୂଚନା ଓ ପ୍ରସାରଣ ମନ୍ତ୍ରଣାଳୟ। ଜୁଲାଇ 31ରେ ଦ୍ବିତୀୟ ପର୍ଯ୍ୟାୟ ଅନଲକ ଶେଷ ହେଉଛି । ଯଦି ଅଗଷ୍ଟରୁ ତୃତୀୟ ପର୍ଯ୍ୟାୟ ଅନଲକ ପ୍ରକ୍ରିୟା ଲାଗୁ ହୁଏ, ତେବେ ସିନେମା ହଲଗୁଡିକୁ ଖୋଲିବାକୁ ପ୍ରସ୍ତାବ ଦିଆଯାଇଛି । ଶୁକ୍ରବାର CII କମିଟି ବୈଠକରେ ସଚିବ ଅମିତ ଖେର ଅଗଷ୍ଟ 1 କିମ୍ବା 31 ମଧ୍ୟରେ ସିନେମା ହଲ ଖୋଲିବାକୁ ସୁପାରିଶ କରିଛନ୍ତି ।