ନୂଆଦିଲ୍ଲୀ: 10ଟି ବ୍ୟାଙ୍କ ମିଶ୍ରଣକୁ କର୍ମଚାରୀଙ୍କ ବିରୋଧ । ଏ ନେଇ ବିଭିନ୍ନ ବ୍ୟାଙ୍କ ଅଧିକାରୀ ସଂଘ ଆସନ୍ତା 5ରେ ଦିଲ୍ଲୀରେ ବୈଠକ କରିବେ । ଏଥିରେ ଆଗାମୀ ଦିନର କାର୍ଯ୍ୟପ୍ରଣାଳୀ ଉପରେ ବିଚାର କରାଯିବ । ମଙ୍ଗଳବାର ଅଲ ଇଣ୍ଡିଆ ଆନ୍ଧ୍ର ବ୍ୟାଙ୍କ ଅସୋସିଏସନର ଜଣେ ବରିଷ୍ଠ ଅଧିକାରୀ ଏ ସମ୍ପର୍କରେ ସୂଚନା ଦେଇଛନ୍ତି ।
ବ୍ୟାଙ୍କ ମିଶ୍ରଣକୁ ବିରୋଧ, 5ରେ ହେବ ସଂଘର ବୈଠକ - ବ୍ୟାଙ୍କ ଅଧିକାରୀ ସଂଘ ଆସନ୍ତା 5ରେ ଦିଲ୍ଲୀରେ ବୈଠକ
ବ୍ୟାଙ୍କ ମିଶ୍ରଣକୁ ବିରୋଧ କରି ବିଭିନ୍ନ ବ୍ୟାଙ୍କ ଅଧିକାରୀ ସଂଘ ଆସନ୍ତା 5ରେ ଦିଲ୍ଲୀରେ ବୈଠକ କରିବେ।
ପ୍ରତିକାତ୍ମକ ଫଟୋ
ଗତସପ୍ତାହରେ ଅର୍ଥମନ୍ତ୍ରୀ ନିର୍ମଳା ସୀତାରମଣ 10 ରାଷ୍ଟ୍ରୟାତ ବ୍ୟାଙ୍କର ମିଶ୍ରଣ କରି 4 ବୃହତ୍ତ ବ୍ୟାଙ୍କ ଗଠନ ପାଇଁ ଘୋଷଣା କରିଥିଲେ । ଏହା ଅନୁଯାୟୀ, ପଞ୍ଜାବ ନ୍ୟାସନାଲ ବ୍ୟାଙ୍କରେ ଓରିଏଣ୍ଟାଲ ବ୍ୟାଙ୍କ ଅଫ କମର୍ସ ଏବଂ ୟୁନାଇଟେଡ଼୍ ବ୍ୟାଙ୍କ ଅଫ୍ ଇଣ୍ଡିଆ ମିଶିବ । ସେହିପରି କାନାଡ଼ା ବ୍ୟାଙ୍କରେ ସିଣ୍ଡିକେଟ୍ ବ୍ୟାଙ୍କ ମିଶିବା ସୂଚନା ମିଳିଛି । ଅନ୍ୟପଟେ କର୍ପୋରେସନ ସହ ୟୁନିୟନ ବ୍ୟାଙ୍କ ଓ ଆନ୍ଧ୍ର ବ୍ୟାଙ୍କର ବିଲୟ ହେବ । ଆହ୍ଲାବାଦ ଓ ଇଣ୍ଡିଆନ ବ୍ୟାଙ୍କ ଏକତ୍ର ହୋଇ ଦେଶର ସପ୍ତମ ବୃହତ୍ତମ ବ୍ୟାଙ୍କ ଭାବେ କାର୍ଯ୍ୟ କରିବେ । ତେବେ ଆନ୍ଧ୍ରବ୍ୟାଙ୍କ ମିଶ୍ରଣ ଦ୍ବାରା ଏହା ତାର ଦ୍ବିତୀୟ ରାଜ୍ୟ ଆଧାରିତ ବ୍ୟାଙ୍କ ଭାବେ ଭୌଗୋଳିକ ପରିଚୟ ହରାଇବ।
‘ଆମେ ବ୍ୟାଙ୍କ ମିଶ୍ରଣକୁ ପ୍ରତିବାଦ କରୁଛି । ଏଥିପାଇଁ ଦରକାର ପଡିଲେ ବିଭିନ୍ନ ବିରୋଧ କାର୍ଯ୍ୟକ୍ରମର ମଧ୍ୟ ଆୟୋଜନ କରାଯିବ । ଅଖିଳ ଭାରତୀୟ ବ୍ୟାଙ୍କ କର୍ମଚାରୀ ସଂଘ(AIBOA)ର କାର୍ଯ୍ୟକାରୀ ସମିତି ଦିଲ୍ଲୀରେ ବୈଠକ କରିବ ବୋଲି ସଂଘର ସାଧାରଣ ସଚିବ ସତ୍ୟନାରାୟଣ କହିଛନ୍ତି । ’