ନୂଆଦିଲ୍ଲୀ: ଆଜିକା ସମୟରେ ବଜାରରେ ମିଳୁଥିବା ପ୍ୟାକେଟ କ୍ଷୀର ଉପରେ ସମସ୍ତେ ନିର୍ଭରଶୀଳ । ହେଲେ ଆପଣ ଜାଣନ୍ତି କି ? ଆପଣ ପିଉଥିବା ଏହି କ୍ଷୀର ସ୍ବାସ୍ଥ୍ୟ ପାଇଁ କେତେ କ୍ଷତିକାରକ ? ଆଜ୍ଞା ହଁ ଖାଦ୍ୟ ନିରାପତ୍ତା ଏବଂ ମାନକ କର୍ତ୍ତୁପକ୍ଷ (FSSAI) ପକ୍ଷରୁ କରାଯାଇଥିବା ସର୍ଭେ ଅନୁଯାୟୀ ପ୍ୟାକେଟ କ୍ଷୀରରେ ସୁରକ୍ଷା ମାନଦଣ୍ଡକୁ ପାଳନ କରାଯାଉନାହିଁ ।
ଏହି କ୍ଷୀରର ଗୁଣବତ୍ତା ଅତ୍ୟନ୍ତ ନିକୃଷ୍ଟ । ତା ବାଦ ବି ବଡ ବଡ ବ୍ରଣ୍ଡ ନାଁରେ ଚଢା ଦାମରେ ଏ ସବୁ କ୍ଷୀରକୁ ବିକ୍ରି କରୁଛନ୍ତି । ଏ ନେଇ ଯାଞ୍ଚ କରି FSSAI 6,432 ଦୁଗ୍ଧ ପ୍ୟାକେଟକୁ ନମୂନା ଭାବେ ନେଇ ସର୍ଭେ କରିଛି । ଏଥିରୁ ପ୍ରାୟ 41 ପ୍ରତିଶତ କ୍ଷୀର ମାନ ନିକୃଷ୍ଟ ରହିଛି । ସେପରି ଭାବେ 7 ପ୍ରତିଶତ ବ୍ୟବହାର ଉପଯୋଗୀ ନୁହେଁ । ଏସବୁଥିରେ ଅଧିକ ପରିମାଣରେ ପେଷ୍ଟିସାଇଡ ଏବଂ ଆଣ୍ଟି ବାୟୋଟିକ ରହିଥିବା ଜଣାପଡିଛି ।