ଘୁଞ୍ଚିଲା 36ତମ ଜିଏସଟି ପରିଷଦ ବୈଠକ

ଗୁରୁବାର ହେବାକୁ ଥିବା ଜିଏସଟି ପରିଷଦର 36ତମ ବୈଠକ ବାତିଲ ହୋଇଛି । ଏହି ବୈଠକ ଆଗକୁ କେବେ ବସିବ ସେ ନେଇ କୌଣସି ସୂଚନା ଦିଆଯାଇନାହିଁ ।

ନୂଆଦିଲ୍ଲୀ: ଘୁଞ୍ଚିଲା ଜିଏସଟି ପରିଷଦ ବୈଠକ । ଗୁରୁବାର ହେବାକୁ ଥିବା ଜିଏସଟି ପରିଷଦର 36ତମ ବୈଠକକୁ ବାତିଲ କରାଯାଇଛି । ଏହାର ପରବର୍ତ୍ତୀ ବୈଠକ କେବେ ହେବ ସେ ନେଇ କୌଣସି ସୂଚନା ମିଳିନଥିବାବେଳେ, ଆଜିର ବୈଠକ ଘୁଞ୍ଚିଥିବା ଜଣାପଡିଛି ।

ତେବେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଏହା ଦ୍ୱିତୀୟ ଓ ବଜେଟ ପରେ ଏହା ପ୍ରଥମ ବୈଠକ ହେବାକୁ ଥିଲା । ଏଥିରେ ଇଲେକ୍ଟ୍ରିକ ଯାନବାହାନ ଉପରେ ବଡ ରିହାତି ନେଇ ନିଷ୍ପତ୍ତି ନିଆଯିବାର ସମ୍ଭାବନା ରହିଥିଲା । ତେବେ ବୈଠକ ଘୁଞ୍ଚିବାର କାରଣ ବର୍ତ୍ତମାନ ସୁଦ୍ଧା ଜଣାପଡିନାହିଁ ।