ନୂଆଦିଲ୍ଲୀ: ଭାରତରେ ୟୁନିକର୍ଣ୍ଣ (Unicorn) ସ୍ତରର ଷ୍ଟାର୍ଟଅପ ସଂଖ୍ୟା ପ୍ରାୟ 21 ରହିଛି । ଏକ ବିଲିୟନ ଡଲାରରୁ ଅଧିକ ମୂଲ୍ୟର ଷ୍ଟାର୍ଟଅପ ସଂଖ୍ୟା ପଡୋଶୀ ଚୀନର ଏକ ଦଶମାଂଶ ସହିତ ସମାନ । ଭାରତୀୟ ନିବେଶକଙ୍କ 40 ରୁ ଅଧିକ କମ୍ପାନୀ ବିଦେଶରେ ପ୍ରତିଷ୍ଠିତ ।
ହୁରୁନର ବୈଶ୍ବିକ ୟୁନିକର୍ଣ୍ଣ ଲିଷ୍ଟରେ 21 ଭାରତୀୟ ୟୁନିକର୍ଣ୍ଣ କମ୍ପାନୀର ମୋଟ ଭେଲ୍ୟୁ ବା ମୂଲ୍ୟାଙ୍କନ 73.2 ଅରବ ଡଲାର ରହିଛି । ଆମେରିକା, ଚୀନ ଓ ବ୍ରିଟେନ ପରେ ଭାରତ ଏହି ଲିଷ୍ଟରେ ଚତୁର୍ଥ ସ୍ଥାନରେ ରହିଛି ।
ୟୁନିକର୍ଣ୍ଣ ଏଭଳି ଷ୍ଟାର୍ଟଅପ କମ୍ପାନୀଙ୍କୁ କୁହାଯାଏ , ଯାହାର ଭେଲ୍ୟୁ 1 ଅରବ ଡଲାର ବା ତା ଠାରୁ ଅଧିକ ହୋଇଥାଏ । ହୁରୁନର ରିପୋର୍ଟ ଅନୁସାରେ ଚୀନରେ ୟୁନିକର୍ନ ସଂଖ୍ଯା 227 ରହିଛି ।
ଏହି ପରିପ୍ରେକ୍ଷୀରେ, ଭାରତରେ ୟୁନିକର୍ଣ୍ଣ ଷ୍ଟାର୍ଟଅପ ସଂଖ୍ୟା ଚୀନର ଦଶମାଂଶ ସହିତ ସମାନ । କେବଳ ଏତିକି ନୁହେଁ, ଭାରତ ସହିତ ଜମି ସୀମା ବାଣ୍ଟୁଥିବା ଦେଶମାନଙ୍କରୁ ଆସୁଥିବା ନିବେଶକୁ ବିଭିନ୍ନ ସୀମା ମଧ୍ୟରେ ଆଣିବା ଖବର ମଧ୍ୟରେ ଏହା ଉଲ୍ଲେଖନୀୟ କି, ଘରୋଇ 21 ଟି ୟୁନିକର୍ଣ୍ଣ ମଧ୍ୟରୁ 11ଟିରେ ଚୀନର 3 ନିବେଶକଙ୍କ ଏକ ବଡ଼ ଅଂଶ ରହିଛି।