ବାଲେଶ୍ବର: ଜିଲ୍ଲାର ବାହାନଗା ଅଞ୍ଚଳରୁ ଚୋରା ଝାଉଁ କାଠ ଚାଲାଣ ବେଳେ ଧରିଲେ ଗ୍ରାମବାସୀ । ଚାଲାଣ କାଠକୁ ଜବତ କରିବା ପରେ ବନବିଭାଗ ଓ କାଠ ମାଫିଆଙ୍କ ଭିତରେ ମଧୁଚନ୍ଦ୍ରିକା ରହିଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁସାରେ, ଫନି ପ୍ରଭାବରେ ବାହାନଗା ବ୍ଲକ ଆଢ଼ିଆ ସମୁଦ୍ର କୂଳରେ ଥିବା ଅନେକ ଝାଉଁ ଗଛ ଉପୁଡି ପଡିଥିଲା । ଫଳରେ ବିନା କାଗଜପତ୍ରରେ ବନ କର୍ମଚାରୀ ଏହାକୁ ବେଆଇନ ଭାବେ ବିକ୍ରି କରିଥିବା ଅଭିଯୋଗ ହୋଇଛି । ରବିବାର ଝାଉଁ କାଠକୁ ଏକ ଅଟୋରେ ଭର୍ତ୍ତି କରି ଚାଲାଣ କରାଯାଉଥିବା ବେଳେ ଏହା ଲୋକଙ୍କ ନଜରରେ ପଡିଥିଲା । ଉକ୍ତ କାଠକୁ ବାରିପଦା ପଞ୍ଚାୟତ ଅଟ୍ଟାସପୁର ବାତ୍ୟା ଆଶ୍ରୟସ୍ଥଳ ନିକଟରେ ଅଞ୍ଚଳବାସୀ କାଠ ସହ ଅଟୋକୁ ଧରିଥିଲେ ।