ୱାସିଂଟନ: ବିହାରରେ ହେବାକୁ ଥିବା ବିଧାନସଭା ନିର୍ବାଚନ ଉପରେ ଭାରତର ସମସ୍ତଙ୍କର ନଜର ରହିଛି । କୋରୋନା ସଙ୍କଟରେ ଭାରତରେ ଏହା ପ୍ରଥମ ନିର୍ବାଚନ ହେବ । କିନ୍ତୁ ଆମେରିକାରେ ହେବାକୁ ଥିବା ରାଷ୍ଟ୍ରପତି ନିର୍ବାଚନ ଉପରେ ସମଗ୍ର ବିଶ୍ବର ନଜର ।
ବର୍ତ୍ତମାନ ଏହାର ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ମଙ୍ଗଳବାର ଐତିହାସିକ ରାଷ୍ଟ୍ରପତି ବିତର୍କ ଆରମ୍ଭ ହେବାକୁ ଯାଉଛି। ଏଥିରେ ଡୋନାଲ୍ଡ ଟ୍ରମ୍ପ ଏବଂ ଜୋ ବିଡେନ ଅନେକ ପ୍ରସଙ୍ଗରେ ମୁହାଁମୁହିଁ ହେବେ । ନଭେମ୍ବର 3 ରେ ଆମେରିକାରେ ଭୋଟ୍ ଗ୍ରହଣ ହେବ । ଡୋନାଲ୍ଡ ଟ୍ରମ୍ପ ପୁଣିଥରେ ରିପବ୍ଲିକାନ ପାର୍ଟିର ରାଷ୍ଟ୍ରପତି ପ୍ରାର୍ଥୀ ହୋଇଥିବାବେଳେ ଜୋ ବିଡେନ ଡେମୋକ୍ରାଟିକରୁ ନିର୍ବାଚନ ଲଢୁଛନ୍ତି। ଏଥର ତିନୋଟି ରାଷ୍ଟ୍ରପତି ସ୍ତରୀୟ ବିତର୍କ ହେବ ଏବଂ ଗୋଟିଏ ଉପରାଷ୍ଟ୍ରପତି ପ୍ରାର୍ଥୀ ବିତର୍କ ହେବ।
ଡୋନାଲ୍ଡ ଟ୍ରମ୍ପ ବନାମ ଜୋ ବିଡେନ -
ପ୍ରଥମ ବିତର୍କ- ସେପ୍ଟେମ୍ବର 29, କ୍ଲିଭଲ୍ୟାଣ୍ଡ, ଓହିଓ
ଦ୍ବିତୀୟ ବିତର୍କ- ଅକ୍ଟୋବର 15, ମିଆମି, ଫ୍ଲୋରିଡା
ତୃତୀୟ ବିତର୍କ-ଅକ୍ଟୋବର 22, ନେଶଭିଲି, ତେନେସି
ଏହି ସମସ୍ତ ବିତର୍କ ଏକ ଘଣ୍ଟା ହେବ । ଏଥିରେ ପ୍ରାର୍ଥୀମାନେ ବିଭିନ୍ନ ପ୍ରସଙ୍ଗରେ ମୁହାଁମୁହିଁ ହେବେ । ଆମେରିକୀୟ ସମୟ ଅନୁଯାୟୀ, ଏହି ସମସ୍ତ ବିତର୍କ ରାତି 9 ଟାରୁ ଆରମ୍ଭ ହେବ ଓ 90 ମିନିଟ୍ ପାଇଁ ବିନା ବିରତିରେ ଚାଲିବ । ମଙ୍ଗଳବାର ପ୍ରଥମ ବିତର୍କ ପାଇଁ 90 ମିନିଟ୍ ଅଛି ଏବଂ 6 ଟି ପ୍ରସଙ୍ଗ ଉପରେ ବିତର୍କ ହେବ । ପ୍ରତ୍ୟେକ ପ୍ରସଙ୍ଗ ପାଇଁ 15 ମିନିଟର ସମୟ ଅଛି ।
ପ୍ରସଙ୍ଗ ଗୁଡିକ ହେଉଛି, ଡୋନାଲ୍ଡ ଟ୍ରମ୍ପ-ଜୋ ବିଡେନଙ୍କ ରେକର୍ଡ, ସୁପ୍ରିମକୋର୍ଟ ମାମଲା, କୋରୋନା ସଙ୍କଟ ସହିତ ମୁକାବିଲା, ଅର୍ଥନୀତିର ସ୍ଥିତି, ହିଂସା, ନିର୍ବାଚନର ଗୁରୁତ୍ବ । ଏହା ବ୍ୟତୀତ ଅନ୍ୟ ବିତର୍କ ପାଇଁ 90 ମିନିଟ୍ ମଧ୍ୟ ଉପଲବ୍ଧ ହେବ । ଆମେରିକାର ନିର୍ବାଚନରେ ରାଷ୍ଟ୍ରପତିଙ୍କ ବିତର୍କ ଏକ ପୁରାତନ ପରମ୍ପରା । 1858 ମସିହାରେ ଅବ୍ରହାମ ଲିଙ୍କନ୍ ଏହିପରି ସାତୋଟି ବିତର୍କରେ ଭାଗ ନେଇ ଜିତିଥିଲେ।
