ତେହେରିକ-ଇ-ତାଲିବାନର ପାକିସ୍ତାନୀ ମୁଖ୍ୟ ମେହସୁଦକୁ ବିଶ୍ବ ଆତଙ୍କବାଦୀ ଘୋଷଣା

ମିଳିତ ଜାତିସଂଘ ତେହେରିକ-ଇ-ତାଲିବାନର ପାକିସ୍ତାନର ମୁଖ୍ୟ ନୁର ୱାଲି ମେହସୁଦକୁ ବିଶ୍ବ ଆତଙ୍କବାଦୀ ବୋଲି ଘୋଷଣା କରିଛି।

ୱାସିଂଟନ: ମିଳିତ ଜାତିସଂଘ ତେହେରିକ-ଇ-ତାଲିବାନର ପାକିସ୍ତାନର ମୁଖ୍ୟ ନୁରୱାଲି ମେହସୁଦକୁ ବିଶ୍ବ ଆତଙ୍କବାଦୀ ବୋଲି ଘୋଷଣା କରିଛି। ଜାତିସଂଘ ଅଲ-କାଏଦା ସହ ଜଡିତ ସଂସ୍ଥା ପକ୍ଷରୁ ଆର୍ଥିକ ସହାୟତା, ଯୋଜନା ତଥା କାର୍ଯ୍ୟକଳାପରେ ଅଂଶଗ୍ରହଣ କରି ମେହସୁଦକୁ ବ୍ଲାକଲିଷ୍ଟ କରାଯାଇଛି ।

ମିଳିତ ଜାତିସଂଘ ସୁରକ୍ଷା ପରିଷଦର 1267 ଆଇଏସଆଇଏଲ୍ ଓ ଅଲ-କାଏଦା କଟକଣା କମିଟି ମେହସୁଦକୁ ଆଇଏସଆଇଏଲ (ଡେଶ) ଓ ଅଲ-କାଏଦା ତାଲିକାରେ ଯୋଡିଛି। ଜୁନ 2018ରେ ପୂର୍ବତନ ଟିଟିପି ନେତା ମୌଲାନା ଫଜଲୁଲ୍ଲାର ମୃତ୍ୟୁ ପରେ ମେହେସୁଦକୁ ତେହେରିକ-ଇ-ତାଲିବାନ ପାକିସ୍ଥାନ (ଟିଟିପି)ର ନେତା ଭାବରେ ନାମିତ କରାଯାଇଥିଲା। ଅଲ-କାଏଦା ସହ ମିଶିବା ପରେ 29 ଜୁଲାଇ 2011 ରେ ଟିଟିପି ଜାତିସଂଘ ଦ୍ବାରା ବ୍ଲାକଲିଷ୍ଟେଟ୍ ହୋଇଥିଲା ।