ଭୁବନେଶ୍ବର: ଶୁକ୍ରବାର ରାଜ୍ୟର ସମସ୍ତ ବିଦ୍ୟାଳୟରେ ଅନୁଷ୍ଠିତ ହେବ ଶିକ୍ଷକ ଓ ଅଭିଭାବକଙ୍କ ବୈଠକ । ଯେଉଁଥିରେ ଶିକ୍ଷା ଅଧିକାରୀ ମାନଙ୍କ ଉପସ୍ଥିତିରେ ଶିକ୍ଷକ ଓ ଛାତ୍ରଛାତ୍ରୀ ମାନଙ୍କ ଅଭିଭାବକଙ୍କ ସହିତ ବିଭିନ୍ନ ବିଷୟରେ ଆଲୋଚନା କରାଯିବ । ତେଣୁ ଏଥିରେ ବହୁ ସଂଖ୍ୟାରେ ଅଭିଭାବକମାନେ ଯୋଗ ଦେଇ ସେମାନଙ୍କ ମତାମତ ଦେବାକୁ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାସ ପ୍ରକାଶ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ସେ ଆହୁରି କହିଛନ୍ତିଯେ, ପ୍ରଥମଥର ପାଇଁ ଏପରି ବୈଠକ ଉଭୟ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ମାନଙ୍କରେ ଅନୁଷ୍ଠିତ ହେବାକୁ ଯାଉଛି । ତେବେ ସରକାରୀ ଶିକ୍ଷାନୁଷ୍ଠାନ ମାନଙ୍କରେ ଅନେକ ଅବ୍ୟବସ୍ଥା ଲୋକଲୋଚନକୁ ଆସୁଥିବା ବେଳେ ସରକାରୀ ବିଦ୍ୟାଳୟରେ ପଢ଼ୁଥିବା ଛାତ୍ରଛାତ୍ରୀଙ୍କ ଅଭିଭାବକ ମାନେ ଅନୁଷ୍ଠିତ ବୈଠକରେ ଖୁବ କମ ଅଂଶ ଗ୍ରହଣ କରିଥାନ୍ତି । ତେଣୁ ଆସନ୍ତାକାଲିର ବୈଠକରେ ସରକାରୀ ଶିକ୍ଷାନୁଷ୍ଠାନର ଅଭିଭାବକମାନେ ଅଧିକ ଭାବେ ଯୋଗ ଦେଇ ସେମାନଙ୍କ ମତ ରଖିବାକୁ ସେ କହିଛନ୍ତି ।