ଯାଜପୁର: ତାଇକୋଣ୍ଡୋ ଜାତୀୟ ଚାମ୍ପିୟନସିପ୍ରେ ଓଡିଆ ପୁଅଙ୍କ ସୁନାମ । ଚଳିତ ବର୍ଷ ୧୦ ବର୍ଷରୁ କମ୍ ବର୍ଗରେ ସ୍ବର୍ଣ୍ଣ ପଦକ ହାସଲ କରି ରାଜ୍ୟ ପାଇଁ ସୁନାମ ଅର୍ଜନ କରିଛନ୍ତି ଓଡିଆ ପୁଅ ଶୁଭଜିତ ମଲ୍ଲିକ । ସେ ସୁକିନ୍ଦା ବ୍ଲକ ଆମ୍ପୋଲବା ଗାଁର ସଞ୍ଜୟ କୁମାର ମଲ୍ଲିକ ଓ ସବିତା ରାଣୀ ଦାସଙ୍କ ପୁଅ । ସୂଚନାଥାଉକି, ଏହି ପ୍ରତିଯୋଗିତା ଉତ୍ତରପ୍ରଦେଶର ଲକ୍ଷ୍ନୌଠାରେ ଅନୁଷ୍ଠିତ ହୋଇଥିଲା ।
ଭିଡିଓ ସୌଜନ୍ୟ:ସମ୍ବାଦଦାତା, ଯାଜପୁର
ତାଇକୋଣ୍ଡୋ ପ୍ରତିଯୋଗିତାରେ ଶୁଭଜିତ ସଫଳତା ଅର୍ଜନ କରିଥିବାରୁ ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ ତାଙ୍କୁ ଅଭିନନ୍ଦନ ଜଣାଇବା ସହ ସମ୍ବର୍ଦ୍ଧିତ କରିଛନ୍ତି । ଜିଲ୍ଲାପାଳଙ୍କ କାର୍ଯ୍ୟାଳୟ ପ୍ରକୋଷ୍ଠରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସହକାରୀ ଜିଲ୍ଲାପାଳ କୁଳମଣି ନାୟକ, କ୍ରୀଡା ଅଧିକାରୀ ଫକୀର ମୋହନ ଟୁଡୁ, ଶୁଭଜିତ୍ଙ୍କ ମା'ବାପା ଓ କୋଚ ଦଶରଥ ସ୍ବାଇଁ ପ୍ରମୁଖ ଉପସ୍ଥିତ ଥିଲେ ।